അഷ്ടലക്ഷ്മി സ്തോത്രം !
ആദിലക്ഷ്മി
സുമനസ വന്ദിത സുന്ദരി മാധവി, ചന്ദ്ര സഹോദരി ഹേമമയേ
മുനിഗണ വന്ദിത മോക്ഷപ്രദായനി, മഞ്ജുള ഭാഷിണി വേദനുതേ |
പങ്കജവാസിനി ദേവ സുപൂജിത, സദ്ഗുണ വര്ഷിണി ശാന്തിയുതേ
ജയ ജയഹേ മധുസൂദന കാമിനി, ആദിലക്ഷ്മി പരിപാലയ മാം ‖ 1 ‖
ധാന്യലക്ഷ്മി
അയികലി കല്മഷ നാശിനി കാമിനി, വൈദിക രൂപിണി വേദമയേ
ക്ഷീര സമുദ്ഭവ മംഗള രൂപിണി, മന്ത്രനിവാസിനി മന്ത്രനുതേ |
മംഗളദായിനി അംബുജവാസിനി, ദേവഗണാശ്രിത പാദയുതേ
ജയ ജയഹേ മധുസൂദന കാമിനി, ധാന്യലക്ഷ്മി പരിപാലയമാം ‖ 2 ‖
ധൈര്യലക്ഷ്മി
ജയവരവർഷിണി വൈഷ്ണവി ഭാ ർഗ്ഗവി, മന്ത്ര സ്വരൂപിണി മന്ത്രമയേ
സുരഗണ പൂജിത ശീഘ്ര ഫലപ്രദ, ജ്ഞാന വികാസിനി ശാസ്ത്രനുതേ |
ഭവഭയഹാരിണി പാപവിമോചനി, സാധു ജനാശ്രിത പാദയുതേ
ജയ ജയഹേ മധു സൂധന കാമിനി, ധൈര്യലക്ഷ്മീ പരിപാലയമാം ‖ 3 ‖
ഗജലക്ഷ്മി
ജയ ജയ ദുര്ഗതി നാശിനി കാമിനി, സര്വഫലപ്രദ ശാസ്ത്രമയേ
രധഗജ തുരഗപദാതി സമാവൃത, പരിജന മംഡിത ലോകനുതേ |
ഹരിഹര ബ്രഹ്മ സുപൂജിത സേവിത, താപ നിവാരിണി പാദയുതേ
ജയ ജയഹേ മധുസൂദന കാമിനി, ഗജലക്ഷ്മീ രൂപേണ പാലയമാം ‖ 4 ‖
സന്താനലക്ഷ്മി
അയിഖഗ വാഹിനി മോഹിനി ചക്രിണി, രാഗവിവർധിനി ജ്ഞാനമയേ
ഗുണഗണവാരധി ലോകഹിതൈഷിണി, സപ്തസ്വര ഭൂഷിത ഗാനനുതേ |
സകല സുരാസുര ദേവ മുനീശ്വര, മാനവ വംദിത പാദയുതേ
ജയ ജയഹേ മധുസൂദന കാമിനി, സന്താനലക്ഷ്മീ പരിപാലയമാം ‖ 5 ‖
വിജയലക്ഷ്മി
ജയ കമലാസിനി സദ്ഗതി ദായിനി, ജ്ഞാനവികാസിനി ഗാനമയേ
അനുദിന മര്ചിത കുംകുമ ധൂസര, ഭൂഷിത വാസിത വാദ്യനുതേ |
കനകധരാസ്തുതി വൈഭവ വംദിത, ശംകരദേശിക മാന്യപദേ
ജയ ജയഹേ മധുസൂദന കാമിനി, വിജയലക്ഷ്മീ പരിപാലയ മാം ‖ 6 ‖
വിദ്യാലക്ഷ്മി
പ്രണത സുരേശ്വരി ഭാരതി ഭാർഗ്ഗവി, ശോകവിനാശിനി രത്നമയേ
മണിമയ ഭൂഷിത കർണ്ണവിഭൂഷണ, ശാന്തി സമാവൃത ഹാസ്യമുഖേ |
നവനിധി ദായിനി കലിമലഹാരിണി, കാമിത ഫലപ്രദ ഹസ്തയുതേ
ജയ ജയഹേ മധുസൂദന കാമിനി, വിദ്യാലക്ഷ്മീ സദാ പാലയമാം ‖ 7 ‖
ധനലക്ഷ്മി
ധിമിധിമി ധിംധിമി ധിംധിമി-ദിംധിമി, ദുംധുഭി നാദ സുപൂർണ്ണമയേ
ഘുമഘുമ ഘുംഘുമ ഘുംഘുമ ഘുംഘുമ, ശംഖ നിനാദ സുവാദ്യനുതേ |
വേദ പൂരാണേതിഹാസ സുപൂജിത, വൈദിക മാർഗ്ഗ പ്രദർശയുതേ
ജയ ജയഹേ മധുസൂദന കാമിനി, ധനലക്ഷ്മി രൂപേണാ പാലയമാം ‖ 8 ‖
ഫലശൃതി
ശ്ലോ അഷ്ടലക്ഷ്മീ നമസ്തുഭ്യം വരദേ കാമരൂപിണി |
വിഷ്ണുവക്ഷഃ സ്ഥലാരൂഢേ ഭക്തമോക്ഷ പ്രദായിനി ‖
ശ്ലോ ശംഖ ചക്രഗദാഹസ്തേ വിശ്വരൂപിണി തേ ജയഃ |
ജഗന്മാത്രേ ച മോഹിന്യൈ മംഗളം ശുഭ മംഗളം ‖
***
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ