തൈപ്പൂയം

 തൈപ്പൂയം! തൈപ്പൂശം എന്ന് തമിഴിൽ.

ഇത്തവണ അതായത് 2021ൽ28 ജനുവരിയിലാണ് വരുന്നത്.

ശ്രീ മുരുകൻ്റെ ജന്മദിനമാണ് തൈപ്പൂശമായി ആഘോഷിക്കുന്നത്.

മുപ്പത്തിമുക്കോടി ദേവീ ദേവൻമാരുടേയും ദേവഗണങ്ങളു

ടേയും ദേവസൈന്യാധിപനായ ശ്രീ മുരുകൻ്റെ ജന്മദിനം തൈ

പ്പൂയമായി ആഘോഷിക്കുന്നു.ശൂര പത്മാസുരൻ എന്ന ദുഷ്ടനായ അസുരൻ്റെ ദുഷ്ടതകൾ സഹിക്കവയ്യാതെ ദേവൻമാരെല്ലാം ദേവാദി ദേവനായ മഹാദേവന്റെ മുൻപിൽ ചെന്ന് സങ്കടം ഉണർത്തിച്ചു.

ദേവൻമാരുടെ സങ്കടം കേട്ടറിഞ്ഞ മഹാദേവൻ തന്റെ കണ്ണിൽ നിന്നും ആറ് ദിവ്യ തേജസാർന്ന തീ പൊരികൾ സൃഷ്ടിച്ചു. ആ തീ പൊരികൾ ആറും ചെന്താമര പൂവിൽ വീണു.ഇതറിഞ്ഞ പാർവ്വതിയായ അമ്മ കാട്ടാറിന്റെ തീരത്തുള്ള ശരവണ പൊയ്കയിൽ ചെന്ന് നോക്കിയ നേരം ചെന്താമര പൂക്കൾ ആറിലും ആറ് ശിശു ബാലകരെ കണ്ടു. ആ ദിവ്യതേജസോട് കൂടിയ ബാലകരെ കണ്ടയുടനെ പാർവ്വതിമാതാവ് ആറ് ചെന്താമര പൂവിൽ നിന്നും ആറ് ബാലകരേയും വാരി പുണർന്നു മുലപ്പാൽ ഊട്ടി.

അതോടെ ആറ് ശരീരവും ഒന്നായി. ആറുമുഖ ബാലകനായി... എന്നാണ് ശിവ രഹസ്യസംഹിതയായ സ്ക്കന്ദപുരാണത്തിൽ പ്രതി പാതിക്കുന്നത്. പതിനെട്ട് പുരാണ

ങ്ങളിൽ ശ്രേഷ്ഠം സക്കന്ദപുരാണമായി കണക്കാക്കുന്നു.

മുരുകൻ്റെ അവതാര ലക്ഷ്യം തന്നെ ശൂര പത്മാസുരൻ.. താരകാസുരൻ എന്നീ

അസുരൻമാരെ വധിച്ച് ദേവലോകത്തെ രക്ഷചെയ്യുന്നതിനാണ്. .ശൂര പത്മനെ .

വധിക്കുന്നതിന് മുൻപ് ഭഗവാൻ തന്റെ ആറ് മുഖത്തോട് കൂടിയ നിജസ്വരൂപം

ശൂര പത്മന് ദർശിപ്പിക്കുകയും. ലോകത്തെപോലും ഭ്രമിപ്പിക്കുന്ന ആ വിശ്വരൂപം

കണ്ട മാത്രയിൽ തന്റെ ചെയ്തികളെയോർത്ത് ശൂരൻ ദു:ഖിക്കുകയും ചെയ്യ്തു.ശൂര

പത്മന്റെ വധത്തിനു മുൻപായി ഭഗവാനോടുളള പ്രാർഥന പ്രകാരം. ഭഗവാൻ

ഷൺമുഖൻ ശൂരനോട് ഇപ്രകാരം അരുൾ ചെയ്തു.. നിന്നെ ഞാൻ കാലപുരിക്കയച്ച

ശേഷം എന്റെ ധ്വജത്തിൽ കുക്കുടമായി നീ കുടികൊള്ളുക. ശൂരനെ വധിച്ച ആ നിമിഷത്തിൽ ദേവാദി ദേവൻമാരും മുനിമാരും യക്ഷ കിന്നരഗന്ധർവ്വൻമാരും

അപ്സര സ്ത്രീകളും ദേവസ്ത്രീകളും വാദ്യമേള ഘോഷങ്ങളും ശംഖൊലിയും

മുഴക്കി ആനന്ദത്താൽ ദേവസൈന്യാധിപനായ ഭഗവാൻ സുബ്രഹ്മണ്യനെ

ആനന്ദത്താൽ പുഷ്പവൃഷ്ടി ചെയ്തു.അങ്ങനെ അന്നു മുതൽ മുരുകൻ കുക്കുട

ധ്വജൻ എന്ന നാമവും സിദ്ധിച്ചു. ശൂരനേയും താരകനേയും വധിച്ചത് കൊണ്ട് ശൂരതാരകസംഹാരമൂർത്തി എന്ന നാമവും ലഭിച്ചു. ശൂരനെ വധിച്ച ദിവസം

തുലാമാസത്തിലെ സ്ക്കന്ദഷഷ്ഠിയായി ആചരിക്കുന്നു. അത് കൊണ്ട് തന്നെ

മുരുകനെ ധ്യാനിക്കുമ്പോൾ ശൂരനേയും ഓർക്കാതിരിക്കില്ല.

"ശൂരൻ തന്നുടെ മാറുകീറിയ വീരാ നിൻ കളി കാണുവാൻ

ആണ്ടിലാണ്ടിൽ വരുന്ന പൂയത്തിൽ വന്ന് കൊള്ളേണേ വേലവാ!"

ചില വരികളിൽ നിന്ന് തന്നെ നമുക്ക് അത് മനസിലാക്കാൻ സാധിക്കുന്നുണ്ട്.

മായാവിയായ ക്രൗഞ്ചൻ എന്ന അസുരൻ മലയായ് നിന്ന് ഭഗവാനെ യുദ്ധത്തിൽ

എതിർ ത്തപ്പോൾ ക്രൗഞ്ചമലയെ വേലു കൊണ്ട് പിളർത്തി ക്രൗഞ്ചമലയെ

ധരിച്ചത് കൊണ്ട് ക്രൗഞ്ച ധരൻ എന്ന നാമകരണവും സിദ്ധിച്ചു. തൈപ്പൂയ

ദിവസം ബ്രഹ്മമുഹൂർത്തത്തിൽ എഴുന്നേറ്റ് മുരുക ഭഗവാനെ സങ്കൽപിച്ച്

മൂലമന്ത്രമോ .. ഷഡക്ഷര മന്ത്രമോ 41 ദിവസം 1008 ഉരു ജപസംഖ്യ കണക്കാക്കി

ജപിക്കുന്നത് കൊണ്ട് സുബ്രഹ്മണ്യ ഉപാസന ഭക്തരിൽ അടിയുറക്കുന്നതാണ്.

ഒരു ലക്ഷത്തി അറുപതിനായിരം കഴിഞ്ഞാൽ മന്ത്രത്തിൻഫറ്റ്ലഎസിദ്ധി

ഉപാസകന് അനുഭവിച്ചറിയാം.. ഇന്ദ്രിയ സേവ. വചന സിദ്ധി.. വാക്ക് സിദ്ധി.

കർണ്ണ സേവ.. വശിത്വ സിദ്ധി. എന്നിവ ഉപാസകന് വന്നു ചേരും.

ഉപാസകൻ മഞ്ഞ വസ്ത്ര മോ കാവി വസ്ത്രമോ ജപവേളയിൽ ധരിക്കാൻ

ശ്രദ്ധിക്കണം. പരമശിവനെയോ .ദക്ഷിണമൂർത്തിയേയോ.മഹാദേവനു പോലും

പ്രണവത്തിൻ്റെ പൊരുൾ മനസിലാക്കി കൊടുത്ത പ്രണവ പൊരുളായ സ്വാമി

നാഥനായ മുരുകനേയോ ജഗത് ഗുരുവായി കണ്ട് ജപം തുടങ്ങാം. കലാകാരൻമാർക്കും

വിദ്യാർഥികൾ ഷൺമുഖ യന്ത്രം. ഷഡ് കോണചക്രം. എന്നിവ തയ്യാറാക്കേണ്ടത്

തൈപ്പൂയം നക്ഷത്രത്തിലാണ്. സുബ്രഹ്മണ്യ ഉപാസകനെ കൊണ്ട് മാത്രം ഈ യന്ത്രം തയ്യാറാക്കിക്കുക.

***

പഴനിമല മുരുക വിഗ്രഹ-വിശേഷങ്ങൾ

പഴനിമല മുരുകൻ്റെ വിഗ്രഹ വിശേഷങ്ങൾ എല്ലാവർക്കും അറിഞ്ഞെന്നു വരില്ല. മുരുക ഭക്തന്മാർ ആ മഹാവിഗ്രഹത്തിൻ്റെ അതിശയോക്തമായ പലതും പറയാറുണ്ട്. അത് എന്തൊക്കെയാണ്? നമുക്ക് വായിക്കാം.

 

പഴനിയിലെ മുരുക വിഗ്രഹം നവപാഷാണ നിര്‍മ്മിതമാണ്. ഈ വിഗ്രഹത്തിന്‍റെ ഔഷധ മേന്മ വളരെ പ്രസിദ്ധമാണ്. 27 നക്ഷത്രങ്ങളില്‍ ഏതു നക്ഷത്രത്തില്‍ ജനിച്ച ആളായാലും നവഗ്ര ഹങ്ങളില്‍ ഓരോന്നും ഏതൊക്കെ ഭാവങ്ങളില്‍ ആണെങ്കിലും ഭോഗര്‍ എന്ന സിദ്ധനാല്‍ പ്രതിഷ്ഠിക്കപ്പെട്ട ഈ നവപാഷാണ വിഗ്രഹത്തെ ഒന്നു ദര്‍ശിച്ചാല്‍ മാത്രം മതി സര്‍വ്വ ദോഷങ്ങളും അകന്നു സകല ഐശ്വര്യങ്ങളും ഉണ്ടാകും. പഴനി മുരുകന്‍റെ വിഗ്രഹത്തെ ഒരു മാത്ര നോക്കി നിന്നാല്‍ തന്നെ നവഗ്രഹ ദോഷങ്ങള്‍ ആക്ഷണം തന്നെ വിട്ടൊഴിയും.

ശിവനോടൊപ്പം ശക്തിയെയും ചേര്‍ത്തു ഭജിച്ച ഭോഗരുടെ മുന്നില്‍ ശക്തി ദേവിയായ പാര്‍വതിയുടെ ദര്‍ശനവും ഉപദേശവും ഭോഗര്‍ക്ക് ലഭിച്ചു. പൊതികൈമല (പശ്ചിമ ഘട്ട മല)യില്‍ ചെന്ന് തപസ്സനുഷ്ഠിക്കാന്‍ ദേവി നിര്‍ദേശിച്ചു. പൊതികൈമലയിലത്തി തപസ്സനുഷ്ഠിച്ച ഭോഗര്‍ക്കു മുന്നില്‍ ബാലമുരുകന്‍ ദര്‍ശനമരുളി അനുഗ്രഹിച്ചു. താന്‍ കണ്ട ബാലമുരുക രൂപം ശിലയില്‍ വാര്‍ത്തെടുക്കണമെന്നും അതു ലോകക്ഷേമത്തിന് വേണ്ടി ഉള്ളതായിരിക്കണമെന്നും അദ്ദേഹം തീരുമാനിച്ചു. അപ്രകാരം നവ പാഷാണങ്ങളാല്‍ അദ്ദേഹം വിഗ്രഹം നിര്‍മ്മിക്കാന്‍ തുടങ്ങി.

നവം -9, പാഷാണം –വിഷം ,വിഷം തനിയെയാല്‍ വിഷം തന്നെ, എന്നാല്‍ ആ വിഷം മറ്റൊന്നിനോട് ചേരുമ്പോള്‍ അതു ഔഷധമായി മാറും എന്ന പ്രകൃതി സത്യം അദ്ദേഹം മനസ്സിലാക്കി.

ഉന്നതമായ പാഷാണങ്ങള്‍ ഒന്‍പതെണ്ണം തിരഞ്ഞെടുത്തു മുരുക ശിലയുണ്ടാക്കാന്‍ അദ്ദേഹം തീരുമാനിച്ചു. ഒരു വൈദ്യന്‍ എങ്ങനെ ഔഷധം (മരുന്ന്‍ ) നിര്‍ദ്ദേശിച്ചു, അതു കഴിക്കേണ്ട രീതിയും വിശദീകരിക്കുന്നുവോ അതു പോലെ ലോക നന്മയ്ക്കായി പാലിക്കേണ്ട രീതികളും അന്നേ അദ്ദേഹം പറഞ്ഞു വച്ചിരുന്നു.

എത്ര കാലങ്ങള്‍ കഴിഞ്ഞാലും ഈ വിഗ്രഹം സംരക്ഷിക്കപ്പെടണമെന്നും അതെല്ലാവരും കാണുകയും ആരാധിക്കുകയും വേണമെന്നും അദ്ദേഹം ഉദ്ദേശിച്ചിരുന്നു. നവ പാഷാണ നിര്‍മ്മിതമായ ബാല മുരുക വിഗ്രഹത്തെ അല്‍പ്പ നേരം ഉറ്റു നോക്കിയാല്‍ ശാരീരികവും മാനസികവുമായ ഉന്മേഷവും ആരോഗ്യവും ലഭിക്കും. ശിലയില്‍ നിന്നും വരുന്ന കാറ്റ് നമ്മുടെ ശരീരത്തില്‍ തട്ടുമ്പോള്‍ ശരീരത്തിന്‍റെ അകവും പുറവും ശുദ്ധമാകുന്നു.  ആരശ്മികള്‍ പൂര്‍ണ്ണമായും നമുക്കു ലഭിക്കണമെന്നതിനാലാണ് പഴനി മുരുകനെ കൗപീന ധാരിയാക്കി ശിലയുണ്ടാക്കിയത്.  ആശിലയില്‍ സ്പര്‍ശിച്ചു വരുന്ന വസ്തു ഏതായാലും അതുകാറ്റായാലും വെളിച്ചമായാലും അതിനു മാറാവ്യാധികളെ മാറ്റാനുള്ള കഴിവുണ്ട്.

പഴനി മുരുകനായ ദണ്ഡ ആയുധ പാണിയെ ദര്‍ശിക്കുന്നവര്‍ക്കു നവഗ്രഹങ്ങളെയും ദര്‍ശിച്ചഫലം കിട്ടും.  ഗ്രഹങ്ങളുടെ സ്വഭാവവും  അവയുടെ സഞ്ചാര പഥത്തെക്കുറിച്ചും നല്ലവണ്ണം മനസ്സിലാക്കിയ ഭോഗര്‍ ചൊവ്വഗ്രഹത്തിന്‍റെ രശ്മികള്‍ നേരിട്ടു പതിക്കുന്ന സ്ഥലമായ പഴനി മലയെത്തന്നെ മുരുക പ്രതിഷ്ഠയ്ക്കായി തിരഞ്ഞെടുത്തു.

 ഭോഗര്‍ തന്‍റെ പതിനെട്ടു ശിഷ്യന്മാരുമായി കൂടിയാലോചിച്ച് 64 തരം മിശ്രിതങ്ങള്‍ 120 ഉപരസം, 11 തരം ലോഹസത്ത്, 15 തരം എരിവും പുളിയും, 108 തരം മൂലികാച്ചാറുകള്‍, ധാതുക്കള്‍ റെഡ്, ഫോസ്ഫറസ് വൈറ്റ് ഫോസ്ഫറസ് എന്നിവയെല്ലാം ചേര്‍ത്താണ്  വേല്‍മുരുകന്‍റെ നവപഷാണ ശിലയുണ്ടാക്കിയിട്ടുള്ളത്.

ചൂടുകൂടിയ ഈ മുരുക ശില തണുപ്പിക്കുന്നതിനായി തിരുമഞ്ജനം, ചന്ദനം, പാല്‍, ഇളനീര്‍, പഞ്ചാമൃതം എന്നിങ്ങനെ തണുത്ത വസ്തുക്കളാല്‍ അഭിഷേകം നടത്തുന്നു.  ഈശിലാ വിഗ്രഹം ഔഷധ –വൈദ്യശാസ്ത്രപ്രകാരം നിര്‍മ്മിച്ചിട്ടുള്ളതിനാല്‍ നേര്‍ക്കുനേരെ നിന്നു ദര്‍ശിച്ചാല്‍ രോഗങ്ങളകലുമെന്നു കാലങ്ങളായി വിശ്വസിക്കുന്നു. ഭക്തിയോടെ മലകയറി വേല്‍ മുരുകനെ ദര്‍ശിച്ചാല്‍ ശ്വാസവും മനസ്സും ഏകാഗ്രമാകും. സ്വാമിയെ ഒരു വിനാഴിക നോക്കിനിന്നാല്‍ ഔഷധ ശക്തിയാല്‍ ആന്മപീഠം എന്ന പുരിക മധ്യത്തില്‍ ഉത്തേജനമുണ്ടായി രക്തം ശുദ്ധിയാകുകയും,  അതിനാല്‍ ജീവകാന്തശക്തി എന്ന ഊര്‍ജ്ജം ഉണ്ടായി ആധിയും വ്യാധിയുമകന്ന്‍ ആരോഗ്യവും ആയുസ്സും വര്‍ദ്ധിക്കുന്നു.

പഴനി മുരുക ശിലയുടെ ശിരസ്സില്‍ രാത്രി വയ്ക്കുന്ന ചന്ദനം രാവിലെ നിറം മാറി കാണപ്പെടുന്നു.  ഇതിനു അത്യധികമായ ഔഷധ ഗുണമുണ്ട്.  ഈചന്ദനം സേവിച്ചാല്‍ സര്‍വ്വ രോഗങ്ങളും മാറുമെന്നാണ് വിശ്വാസം.  ഈചന്ദനം രാക്കാല ചന്ദനമെന്നറിയപ്പെടുന്നു.  ശ്രീകോവില്‍ അടയ്ക്കുമ്പോഴുണ്ടാകുന്ന ചൂടുകാരണം ശില വിയര്‍ത്ത് വെള്ളം വാര്‍ന്നൊഴുകും.  ഈവെള്ളത്തെ കൌപീന തീര്‍ത്ഥംമെന്നു വിശേഷിപ്പിക്കാറുണ്ട്.  ഈതീര്‍ത്ഥവും ഔഷധഗുണമുള്ളതാണ്. ഈ പ്രത്യേകതകളെല്ലാം ഉള്ളതുകൊണ്ടാണ് ആയുസിലൊരിക്കലെങ്കിലും പളനി മുരുകനെ ദര്‍ശിക്കാന്‍ കഴിഞ്ഞാല്‍ അതു ജന്മസുകൃതമായിത്തീരുമെന്നു ഭക്തര്‍ വിശ്വസിക്കുന്നത്..

ഹരോ ഹര! ഹരോ ഹര! ഹരോ ഹര!

_(())_