നമസ്കാരം🙏
സുപ്രഭാത വന്ദനം . ശുഭദിന ആശംസകൾ !
വിദുര നീതിയിൽ നിന്നും ഒരു മുത്ത് !
"ജരാ രൂപം ഹരതി ഹി ധൈര്യ മുമാശാ
മൃത്യുഃ പ്രാണാന്ധർമചര്യാമസൂയയാ
ക്രോധഃ ശ്രിയം ശീലമനാര്യസേവാ
ഹ്രിയം കാമഃ സർവമേവാഭിമാനഃ"
(=ജര സൗന്ദര്യത്തെയും, ആശ ക്ഷമയെയും, മൃത്യു പ്രാണനെയും, അസൂയ ധർമ്മനിഷ്ഠയെയും, ദേഷ്യം ഐശ്വര്യത്തെയും, ദുർജനസംസർഗ്ഗം സത്സ്വഭാവത്തെയും, കാമം ലജ്ജയെയും, അഭിമാനം സകലതിനെയും നശിപ്പിക്കുന്നു.)
***
...
സുഭാഷിതം
"തത്ര സ്നാത്വാ ച പീത്വാ ച
യമുനാ യത്ര നിഃസൃതാ ,
സര്‍വ്വപാപവിനിര്‍മുക്താ
പുനാത്യാസപ്തമം കുലം . "
(സപ്തനദികളിലൊന്നായ യമുനയുടെ ഉത്ഭവസ്ഥാനമാണു് യമുനോത്തരി. ഇവിടെ സ്നാനം ചെയ്യുകയും ഇവിടത്തെ തീര്‍ത്ഥജലം കുടിക്കുകയും ചെയ്താല്‍ സകല പാപങ്ങളില്‍ നിന്നും മുക്തനായിത്തീരുന്നു. മാത്രമല്ല അവന്‍െറ വംശത്തിലെ ഏഴു തലമുറ വരെയുള്ളവര്‍ പാപമുക്തരാകുന്നു.)
***
കാളിദാസന്‍ കുമാരസംഭവത്തില്‍
ക്ളേശഃ ഫലേന ഹി പുനര്‍നവതാം വിധത്തേ."
(क्ळेशः फलेन हि पुनर्नवतां विधत्ते ।।)
ഒരുപാടു കാലം അധ്വാനിച്ച് വിജയം നേടുമ്പോള്‍ ആ വിജയം ഒരാളെ പുതിയ മനുഷ്യനാക്കുന്നു.. വീണ്ടും വിജയം ആവര്‍ത്തിക്കാനുള്ള ഊര്‍ജ്ജം പകരുന്നു.
***
എന്തൊരു അന്തരം !
"ഉൽപ്പലസ്യാരവിന്ദാസ്യ
മത്സ്യസ്യ കുമുദസ്യ ച
ഏകയോനിപ്രസൂനാം
തേഷാം ഗന്ധം പൃഥക് പൃഥക്"
ഒരേകുളത്തിൽ വിരിഞ്ഞുനിൽക്കുന്ന താമരയുടെയും ആമ്പലിന്റെയും, വെള്ളത്തിൽ തന്നെ വളരുന്ന മത്സ്യത്തിന്റെയും ഗന്ധം വ്യത്യസ്തമായിരിക്കും. മത്സ്യത്തിന്റെ ഗന്ധമല്ല താമരയുടേത്. പക്ഷേ അവ വളരുന്നതോ ഒരേജലത്തിലും!
ഇങ്ങനെതന്നെയാണ് മനുഷ്യബുദ്ധിയും മനുഷ്യഗുണങ്ങളും.ഓരോരുത്തരുടെയും ബുദ്ധിയും ചീന്താശേഷിയും വിവിധങ്ങളായിരിക്കും. ഒരേ കുടുംബത്തിൽ, ഒരേ മാതാപിതാക്കൾക്ക് ജനിച്ചവരെങ്കിൽ കൂടിയും അവരുടെ സ്വഭാവത്തിലും ബുദ്ധിയിലും ഗുണത്തിലും വ്യത്യാസം ദർശിക്കാനാകും. മൂത്തവന് താത്പര്യമുള്ള വിഷയത്തിലാകില്ല ഇളയവന് കമ്പം ഇളയവനെപ്പോലെയാകില്ല മൂത്തവനും. വളർന്നു വരുന്ന സാഹചര്യവും പശ്ചാത്തലവും എല്ലാം ഒന്നെങ്കിലും അവർ വ്യത്യസ്തരായിരിക്കും. അവരുടെ ശൈലികളും കഴിവുകളും വിഭിന്നവുമായിരിക്കും.
***
