ശ്രീ കൊട്ടിയൂര്‍ ക്ഷേത്രത്തില്‍ ഉത്സവം നടത്താന്‍ ഹൈക്കോടതി പ്രത്യേക സംവിധാനം ഏര്‍പ്പെടുത്തി. ബോര്‍ഡ്‌ ഓഫ്‌ ട്രസ്റ്റീസിന്റെ ചെയര്‍മാന്റെ മേല്‍നോട്ടത്തില്‍ എക്‌സിക്യൂട്ടീവ്‌ ഓഫീസറാണ്‌ ഉത്സവം നടത്താന്‍ നടപടി സ്വീകരിക്കേണ്ടതെന്ന്‌ ഹൈക്കോടതി ഉത്തരവിട്ടു.
ഉത്സവം നടത്തിപ്പിനെക്കുറിച്ച്‌ ആര്‍ക്കെങ്കിലും പരാതി ഉണ്ടെങ്കില്‍ കോഴിക്കോട്‌ ഹിന്ദു ധര്‍മ സ്ഥാപന കമ്മീഷണറെ സമീപിക്കാന്‍ ഹൈക്കോടതി നിര്‍ദേശിക്കുകയും ചെയ്‌തു. ജസ്റ്റിസ്‌ പി.ആര്‍.രാമനും ജസ്റ്റിസ്‌ പി.ഭവദാസനും ഉള്‍പ്പെട്ട ഡിവിഷന്‍ ബെഞ്ചിന്‍േറതാണ്‌ ഉത്തരവ്‌. ജൂണ്‍ ഒമ്പതിന്‌ ആരംഭിക്കുന്ന ഉത്സവം 27 ദിവസം നീണ്ടുനില്‍ക്കും. ട്രസ്റ്റി കുഞ്ഞിരാമന്‍ നല്‍കിയ ഹര്‍ജിയിലാണ്‌ കോടതി ഉത്തരവ്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ