ഭഗവത്ഗീത സംസ്കൃതത്തിലാണല്ലോ രചിച്ചിരിക്കുന്നത്. 18 അദ്ധ്യാ‍യങ്ങളിലായി 700 ശ്ലോകങ്ങളാണ് മൂല ഗ്രന്ഥത്തില്‍. അവയെ മലയാള ഭാഷയിലേക്ക് ആദ്യമായി ഏകദേശം 600 വര്‍ഷങ്ങള്‍ക്ക് മുന്‍പ് വിവര്‍ത്തനം ചെയ്തിട്ടുണ്ട്. ഇത് കുറിച്ച് അഭിപ്രായ വ്യത്യാസങ്ങള്‍ ഉണ്ടായിരിക്കാം. നിരണത്ത് മാധവ പണിക്കറാണ് ഇതിന്റെ രചയിതാവ്. ഇത് മൂലഗ്രന്ഥത്തിന്റെ പദാനുപദ വിവര്‍ത്തനമല്ല. 700 സ്റ്റാന്‍സകുളുള്ള ഗീതോപദേശം 300 ഗ്രൂപ്പുകളാക്കി മാറ്റിയിരിക്കുകയാണ്. അതില്‍ ചിലത് ഇവിടെ കൊടുക്കാം. തുടക്കം...
“വരുമൊരു പുണ്യക്ഷേത്രമനത്തിനു വരമാകിന്ന കുരുക്ഷേത്രത്തില്‍
പരികരി തേര്‍ കാലാളൊടു നാമും പാണ്ടവരും ചെയ്തവയെന്തെന്‍‌റത്
അരചന്‍ ധൃതരാഷ്ട്രന്‍ ചോദിച്ചളവന്‍പേറിയ സഞ്ജയനുരചെയ്താന്‍
ത്വരിതമെഴും പാണ്ടവരുടെ സൈന്യം ദുര്യോധനനും കണ്ടാനെന്നേ.
ദുര്യോധനന്‍ ആചാര്യനെ നോക്കിച്ചൊന്നാന്‍ പാണ്ടവര്‍ സൈന്യം പാരായ്
സുരപതിനേര്‍ അരചകള്‍ ഭീമാര്‍‌ജ്ജുനതുല്യ മഹാരഥരിവര്‍പലര്‍ കാണായ്
നരപതിമാര്‍ നമുക്കും പലരുളര്‍ നായകനായ ഭവാന്‍ ഭീഷ്മാദികള്‍
വിരവൊടു പ്രാണത്യാഗമെനിക്കേവേണ്ടിയിയറ്റുകയെന്നാനരചന്‍.”
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ