വേദാന്തം - ഇത് വേദത്തിലെ അവസാന ഭാഗമാണ്. അതാണ് ഉപനിഷത്തുകള്‍. അവയെല്ലാം ജീവിച്ചിരിക്കുന്നവര്‍ക്കു വേണ്ടിയുള്ള ആത്മീയ വിഷയങ്ങളാണ് . കാര്യം കാണാനും, തന്റെ വയറു വീര്‍പ്പിക്കുന്നതിനു വേണ്ടി മാത്രം പറയുന്ന ആത്മതത്വമാണ് സൃഗാല വേദാന്തം. അതിനൊര് ഉദാഹരണമാണ് താഴെ കൊടുത്തിട്ടുള്ളത്‍. ഇതിന്‍ മുന്‍പുള്ള പോസ്റ്റില്‍ മറ്റു ചില ന്യായങ്ങളെക്കുറിച്ച് പറഞ്ഞിട്ടുണ്ട്‌.
ഭരണസിരാകേന്ദ്രമായ സെക്രട്ടേറിയറ്റ്‌ ഇടിച്ചുനിരത്തണമെന്ന്‌ മന്ത്രി പറയുന്നു. എന്തിനാണ് മന്ത്രി ജി. സുധാകരന്‍ സെക്രട്ടേറിയറ്റ്‌ ഇടിച്ചുനിരത്തണമെന്ന്‌ പറഞ്ഞത്? വെറുതേയല്ല. ഇടിച്ചുനിരത്തിയ സെക്രട്ടേറിയറ്റിന്റെ സ്ഥാനത്ത്‌ പുതിയ കെട്ടിടം പണിയണം. എലിയെ കൊല്ലാനാണ് ഈ പദ്ധതി. സാധാരണ എലിയല്ല. വലിയ പെരിച്ചാഴികള്‍ എന്നാണ് മന്ത്രി പറയുന്നത്. അടി തൊട്ട് മുടി വരെയുള്ള ഓഫീസര്‍വമാര്‍ ചെയ്യുന്നത്‌ ബ്രിട്ടീഷ്‌ രാജഭരണകാലത്തെ രീതികളാണത്രെ. സെക്ഷന്‍ ഓഫീസര്‍മുതല്‍ സെക്രട്ടറിമാര്‍വരെയുള്ളവരില്‍ ചിലരും ഇതുതന്നെ ചെയ്യുന്നു. സത്യത്തില്‍
അതെങ്കിലും അത്മാര്‍ത്ഥതയോടെ ചെയ്തിരുന്നെങ്കില്‍ ജനങ്ങള്‍ക്ക് കുറച്ചെങ്കിലും ആശ്വാസം കിട്ടിയേനെ.
ജോലി ചെയ്യിക്കേണ്ട ഉത്തരവാദിത്തം ആര്‍ക്കാണ് ? ഭരണം നടത്തുന്നവര്‍ക്കില്ലെന്ന്‌ തോന്നും ഇത് കേട്ടാല്‍! അദ്ദേഹം പറയുന്നു, ആരും ജോലി ചെയ്യാറില്ല. 'ഒരുവര- രണ്ടക്ഷരം' എന്നതാണ്‌ സ്ഥിതി. ഇവര്‍ക്ക്‌ അനുകൂലമായി ഏറ്റുപിടിക്കാന്‍ യൂണിയനുകളുമുണ്ട്‌. ആരു വിചാരിച്ചാലും നിയന്ത്രിക്കാന്‍ പറ്റാത്ത സാമൂഹികവരുദ്ധ ശക്തികള്‍ സെക്രട്ടേറിയറ്റിലുണ്ട്‌. ഇവിടെ കൃത്രിമ പ്രൊമോഷന്‍ സംഘടിപ്പിക്കുന്ന ആളുകളുമുണ്ട്‌. അനാവശ്യമായ ധാരാളം തസ്‌തികകള്‍. സെക്രട്ടേറിയറ്റിലെ ജീവനക്കാരുടെ ശമ്പളനിരക്ക്‌ മറ്റു ജീവനക്കാര്‍ക്കുകൂടി നല്‍കിയാല്‍ ഖജനാവ്‌ അടച്ചുപൂട്ടേണ്ടിവരും. പുനര്‍വിന്യാസം നടത്തിയാല്‍ സെക്രട്ടേറിയറ്റില്‍ നിലവിലുള്ളതിന്റെ കാല്‍ ഭാഗം ജീവനക്കാര്‍ മതി. ഒരു തരം വലതുപക്ഷ രാഷ്‌ട്രീയ വ്യവസ്ഥയാണ്‌ അവിടെ. ജനങ്ങളുടെ ആവശ്യങ്ങളെ തടയുന്ന ഭരണവ്യവസ്ഥ . സെക്രട്ടേറിയറ്റിലെ പ്രേതം ഇപ്പോള്‍ സഹകരണമേഖലയിലും ബാധിച്ചു. പോലീസിനകത്ത്‌ മാഫിയാ ഏജന്റുമാരുണ്ട്‌. മോഷണമുതല്‍ ഇവര്‍ പങ്കുവയ്‌ക്കുന്നു. പത്രലേഖകര്‍ക്കിടയിലും ക്രിമിനലുകളുണ്ട്‌ - അദ്ദേഹം പറഞ്ഞതായി വന്നിട്ടുള്ള വാര്‍ത്തയാണിത്. ജനം വിഡ്ഡികാളാക്കുന്ന ഇത്തരം പ്രസംഗങ്ങളെക്കൊണ്ട് പൊറുതി മുട്ടിയിരിക്കുകയാണ്. സൃഗാല വേദാന്തന്യായം പറഞ്ഞ് ജനങ്ങളെ പറ്റിക്കാന്‍ ശ്രമിക്കുകയാണോ ?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ