ശ്രീ ഗണാഷ്ടകം

ശ്രീ ഗണാഷ്ടകം

ഏകദന്തം മഹാകായം

തപ്തകാഞ്ചനസന്നിഭം

ലംബോദരം വിശാലാക്ഷം
വന്ദേഹം ഗണനായകം

മൗഞ്ജീകൃഷ്ണാജിനധരം 

നാഗയജ്ഞോപവീതിനം 

ബാലേന്ദുവിലാസന്മൗലിം
വന്ദേഹം ഗണനായകം

അംബികാ ഹൃദയാനന്ദം
മാതൃഭിഃ പരിപാലിതം
ഭക്തപ്രിയം മദോന്മത്തം
വന്ദേഹം ഗണനായകം

ചിത്രരത്‌ന വിചിത്രാംഗം
ചിത്രമാലാ വിഭൂഷിതം
ചിത്രരൂപധരം ദേവം
വന്ദേഹം ഗണനായകം

ഗജവക്ത്രം സുരശ്രേഷ്ഠം
കർണചാമര ഭൂഷിതം
പാശാങ്കുശധരം ദേവം
വന്ദേഹം ഗണനായകം

മൂഷികോത്തമമാരുഹ്യ
ദേവാസുരമഹാഹവേ
യോദ്ധുകാമം മഹാവീര്യം
വന്ദേഹം ഗണനായകം

യക്ഷകിന്നര ഗന്ധർവ
സിദ്ധവിദ്യാധരൈഃസദാ
സ്തൂയമാനം മഹാത്മാനം
വന്ദേഹം ഗണനായകം

സർവവിഘ്‌നഹരം ദേവം
സർവവിഘ്‌ന വിവർജ്ജിതം
സർവസിദ്ധി പ്രദാതാരം
വന്ദേഹം ഗണനായകം

ഗണാഷ്ടകമിദം പുണ്യം
ഭക്തിതോ യഃ പഠേന്നരഃ
വിമുക്ത സര്‍വപാപേഭ്യോ
രുദ്രലോകം സ ഗച്ഛതി.
...
എല്ലാവരുടെയും ജീവിതത്തിലെ എല്ലാ വിഘ്‌നങ്ങളും നീക്കി നല്ല അറിവുകളും,വിജയങ്ങളും നേടുവാൻ ശ്രീ ഗണപതി ഭഗവാൻ അനുഗ്രഹിക്കട്ടെ.

***