ഹിന്ദുകാലഗണന പ്രകാരം ശകവർഷം1943 വൈശാഖ മാസത്തിലെ ശുക്ലപക്ഷത്തിലെ ചതുർദ്ദശിയിലാണ് ശ്രീ നരസിംഹ ജയന്തി.( കൊല്ലവർഷം 1196 ഇടവമാസം 11ന്, 2021മേയ്മാസം 25ന് ചൊവ്വാഴ്ച)
ശ്രീ നരസിംഹ ജയന്തി തിഥി .
"ഓം നമോ നരസിംഹായ
ഓം നമോ നരസിംഹായ
ഓം നമോ നരസിംഹായ
ഓം നമോ നരസിംഹായ "
കൃതയുഗത്തില് ശ്രീ മഹാവിഷ്ണു നാല് അവതാരങ്ങള് എടുത്തു . അതിൽ അവസാനത്തെ അവതാരമാണ് ശ്രീ നരസിംഹം. തൻ്റെ ഭക്തനായ പ്രഹ്ലാദനെ രക്ഷിക്കുവാനും ഹിരണ്യകശിപുവിനെ നിഗ്രഹിക്കാനുമായി ഭഗവാൻ ശ്രീ മഹാവിഷ്ണു ശ്രീ നരസിംഹാവതാരം കൈകൊണ്ടുവെന്നാണ് പുരാണത്തിൽ പറയുന്നത് .പേരു പോലെ സിംഹത്തിന്റെ മുഖവും മനുഷ്യന്റെ ശരീരവുമാണ് ഈ വിഷ്ണു അവതാരത്തിന്റെ പ്രത്യേകത.
ഭഗവാന് ശ്രീ മഹാവിഷ്ണുവിന്റെ നാലാമത്തെ അവതാരമാണ് ശ്രീ നരസിംഹാവതാരം.
വൈശാഖമാസത്തിലെ ശുക്ളപക്ഷ ചതുര്ദ്ദശി ദിവസമാണ് ശ്രീ നരസിംഹ ജയന്തിയായി ആഘോഷിക്കുന്നത്. ശ്രീ നരസിംഹമൂര്ത്തി ക്ഷേത്രങ്ങളിലും ശ്രീ വിഷ്ണുക്ഷേത്രങ്ങളിലും ശ്രീ നരസിംഹജയന്തി വിശേഷാൽ പൂജകളോടുകൂടി വളരെ പ്രാധാന്യത്തോടെ കൊണ്ടാടപ്പെടുന്നു.
സഹോദരനായ ഹിരണ്യാക്ഷന്റെ വധത്തെ തുടർന്ന് ഹിരണ്യകശിപു ക്രോധാവിഷ്ടനായി. ബ്രഹ്മാവിനെ തപസ്സ് ചെയ്തു വരം വാങ്ങി. മനുഷ്യനോ മൃഗമോ തന്നെ കൊല്ലരുത്, ആയുധങ്ങൾ കൊണ്ട് കൊല്ലരുത്,
രാവോ പകലോ തന്നെ കൊല്ലരുത്, ഭൂമിയിലോ ആകാശത്തോ പാതാളത്തോ വെച്ച് കൊല്ലരുത് എന്നായിരുന്നു വരം നേടിയത്.
വരലബ്ദിയില് മദിച്ചു നടന്ന ഹിരണ്യകശിപുവിന് പരമ വിഷ്ണുഭക്തനായ ഒരു പുത്രൻ ജനിച്ചു. വിഷ്ണു ഭക്തിയിൽ നിന്നും തന്റെ പുത്രനായ പ്രഹ്ലാദനെ പിന്തിരിപ്പിയ്ക്കാൻ ഹിരണ്യകശിപു ശ്രമിച്ചെങ്കിലും പരാജയപ്പെട്ടു.
ഹിരണ്യകശിപു പ്രഹ്ലാദനെ വധിയ്ക്കാൻ പല മാർഗ്ഗങ്ങളും സ്വീകരിച്ചു. പരാജിതനായ ഹിരണ്യകശിപു ക്രോധം പൂണ്ട് പ്രഹ്ലാദനോട് വിഷ്ണുവിനെ കാട്ടിത്തരാൻ ആവശ്യപ്പെട്ടു. തൂണിലും തുരുമ്പിലും വിഷ്ണുഭഗവാൻ വസിക്കുന്നുണ്ടെന്ന് പ്രഹ്ലാദൻ അറിയിയ്ക്കുകയും ,ഹിരണ്യകശിപു തൂണിൽ വെട്ടുകയും അനന്തരം തൂൺ പിളർന്ന് ശ്രീ മഹാവിഷ്ണു ശ്രീ നരസിംഹമൂർത്തിയായി അവതരിക്കുകയും ചെയ്തു.
അനന്തരം സന്ധ്യക്ക് തന്റെ മടിയിൽ കിടത്തി നഖങ്ങൾ കൊണ്ട് മനുഷ്യനോ മൃഗമോ അല്ലാത്ത ശ്രീ നരസിംഹമൂർത്തി ഹിരണ്യകശിപുവിനെ വധിച്ചു. ശേഷം ശാന്തനായ ശ്രീനരസിംഹമൂർത്തി ഭക്തപ്രഹ്ലാദനെ അനുഗ്രഹിച്ച് അപ്രത്യക്ഷനായി എന്നാണ് മഹത് ഗ്രന്ഥങ്ങളിൽ പറയുന്നത്.
ഉറച്ച ഭക്തിയും വിശ്വാസവും നമ്മളെ എല്ലാവിധ ആപത്തുകളിൽ നിന്നും കാത്തുരക്ഷിക്കും.
"ഉഗ്രം വീരം മഹാവിഷ്ണും
ജ്വലന്തം സർവ്വതോ മുഖം
നൃസിംഹം ഭീഷണം ഭദ്രം
മൃത്യു മൃത്യു നമാമ്യഹം "
ഏവർക്കും ശ്രീ ഗുരുവായൂരപ്പൻ്റെ എല്ലാവിധ അനുഗ്രഹങ്ങളും ഉണ്ടാകുവാൻ പ്രാർത്ഥിച്ചു കൊണ്ട് ഭക്തിസാന്ദ്രമായ ശ്രീ നരസിംഹമൂർത്തി അവതാര ജയന്തിദിന ആശംസകൾ നേരുന്നു.
ഹരി ഓം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ