രാമായണമാസം തുടങ്ങിയിട്ട് ഒമ്പത് ദിവസങ്ങളോളമായി. മനുഷ്യ ജീവിതത്തിൽ അനുഷ്ടിക്കേണ്ട പല ഉപദേശങ്ങളെക്കോണ്ട് സമൃദ്ധമാണ് തുഞ്ചത്തെഴുത്തച്ചന്റെ അദ്ധ്യാത്മരാമായണം. മനുഷ്യന്റെ പ്രധാന ശത്രുക്കൾ“ കാമ ക്രോധ ലോഭ മോഹാദികൾ” ആണ്. അവയുടെ കൂട്ടത്തിൽ ക്രോധമാണ് മനുഷ്യന്റെ എറ്റവും വലിയ ശത്രു. സംസാര ജീവിതത്തിന്റെ ബന്ധനത്തിൽനിന്നും മോക്ഷം ലഭിക്കണമെങ്കിൽ ക്രോധം ഒഴിവാക്കണം.എഴുത്തച്ചന്റെ വരികൾ ഇതാ:-
“ക്രോധമൂലം മനസ്താപമുണ്ടായ്‌വരും
ക്രോധമൂലം നൃണാം സംസാരബന്ധനം
ക്രോധമല്ലോ നിജധർമ്മക്ഷയകരം
ക്രോധം പരിത്യജിക്കേണം ബുധജനം
ക്രോധമല്ലോ യമനായതു നിർണ്ണയം,
വൈതരണ്യാഖ്യയാകുന്നത് തൃഷ്ണയും.”
കുറിപ്പ്: വൈതരണി – യമലോകത്തിന് ചുറ്റുമുള്ള ഒരു നദി. ക്രോധം യമനാണെങ്കിൽ,തൃഷ്ണയാകട്ടെ വൈതരണി.അത് നീന്തി കരപിടിക്കാൻ സാധിക്കില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ