(ഇതിനു മുൻപുള്ള 1മുതൽ 10 വരെയുള്ള ശ്ലോകങ്ങൾ മറ്റൊരു പോസ്റ്റിലുണ്ട്.)
ചതുർഭി ശ്രീകണ്ഠൈഃ ശിവയുവതിഭിഃ പംചഭിരപി
പ്രഭിന്നാഭിഃ ശംഭോർനവഭിരപി മൂലപ്രകൃതിഭിഃ ,
ചതുശ്ചത്വാരിംശദ് വസുദല കലാശ്ര ത്രിവലയ
ത്രിരേഖാഭിഃ സാർധം തവ ശരണകോണാഃ പരിണതാഃ . 11
ത്വദീയം സൌന്ദര്യം തുഹിനഗിരി കന്യേ തുലയിതും
കവീംദ്രാഃ കല്പം തേ കഥമപി വിരിംചി പ്രഭൃതയഃ ,
യദാലോകൌത്സുക്യാദമരലലനാ യാംതി മനസാ
തപോഭിർദുഷ്പ്രാപാമപി ഗിരിശ സായുജ്യ പദവീം. 12
നരം വർഷീയാംസം നയനവിരസം നർമസു ജഡം
തവാപാംഗാലോകേ പതിതമനുധാവംതി ശതശഃ
ഗലദ്വേണീ ബംധാഃ കുചകലശ വിസ്രസ്ത സിചയാ
ഹഠാത് ത്രുടയത്കാംച്യോ വിഗലിത ദുകൂലാ യുവതയഃ . 13
ക്ഷിതൌ ഷട്പംചാശദ് ദ്വിസമധിക പംചാശദുദകേ
ഹുതാശേ ദ്വാഷഷ്ടിശ്ചതുരധിക പംചാശദനിലേ ,
ദിവി ദ്വിഃഷട്ത്രിംശന്മനസി ച ചതുഃഷഷ്ടിരിതി യേ
മയൂഖാസ്തേഷാമപ്യുപരി തവപദാംബുജ യുഗം . 14
ശരജ്ജ്യോത്സ്നാ ശുദ്ധാം ശശിയുത ജടാജൂട മകുടാം
വര ത്രാസ ത്രാണ സ്പടിക ഘുടികാ പുസ്തക കരാം,
സകൃന്ന ത്വാ നത്വാ കഥമിവ സതാം സന്നിദധതേ
മധു ക്ഷീര ദ്രാക്ഷാ മധുരിമ ധുരിണാഃ ഫണിതയഃ . 15
കവീംദ്രാണാം ചേതഃ കമലവന ബാലാതപ രുചിം
ഭജംതേ യേ സംതഃ കതിചിദരുണാമേവ ഭവതീം,
വിരിംചി പ്രേയസ്യാസ്തരുണതര ശ്രൃംഗാര ലഹരീ
ഗഭീരാഭിര്വാഗ്ഭിര്വിദധതി സതാം രംജനമമീ . 16
സവിത്രീഭിര്വാചാം ശശിമണി ശിലാഭംഗ രുചിഭിഃ
വശിന്യാദ്യാഭിസ്ത്വാം സഹ ജനനി സംചിംതയതി യഃ ,
സ കർത കാവ്യാനാം ഭവതി മഹതാം ഭംഗിരുചിഭിഃ
വചോഭിർ വാഗ്ദേവീ വദനകമലാമോദ മധുരൈഃ . 17
തനുച്ഛായാഭിസ്തേ തരുണ തരണി ശ്രീസരണിഭിഃ
-ർദിവം സർവാമുർവീമരുണിമനിമഗ്നാം സ്മരതി യഃ ,
ഭവംത്യസ്യ ത്രസ്യദ്വനഹരിണ ശാലീന നയനാഃ
സഹോര്വശ്യാ വശ്യാഃ കതി കതി ന ഗീർവാണ ഗണികാഃ . 18
മുഖം ബിന്ദും കൃത്വാ കുചയുഗമധസ്തസ്യ തദധോ
ഹരാർധം ധ്യായേദ്യോ ഹരമഹിഷി തേ മന്മഥകലാം ,
സ സദ്യഃ സംക്ഷോഭം നയതി വനിതാ ഇത്യതി ലഘു
ത്രിലോകീമപ്യാശു ഭ്രമയതി രവീന്ദു സ്തനയുഗാം . 19.
കിരംതീമംഗേഭ്യഃ കിരണ നികുരുംബാമൃതരസം
ഹൃദി ത്വാമാധത്തേ ഹിമകരശിലാ മൂർതിമിവ യഃ ,
സ സർപാണാം ദർപം ശമയതി ശകുംതാധിപ ഇവ
ജ്വരപ്ലുഷ്ടാൻ ദൃഷ്ട്യാ സുഖയതി സുധാ ധാരസിരയാ . 20
തുടരും...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ