ആദരാഞ്ജലികൾ അർപ്പിക്കുമ്പോൾ

RIP  എന്താണെന്ന്  മനസ്സിലാക്കാം. 

ആരെങ്കിലും മരിച്ചു എന്നറിഞ്ഞാൽ ചാടിക്കേറി RIP എന്നെഴുതുന്ന  ഹിന്ദുക്കളായ സഹോദരി സഹോദരന്മാരോടാണ്, ഈ അഭ്യർത്ഥന :

RIP (Requiescat in pace) എന്നാണ്  ലാറ്റിൻ - May he or she rest in peace .

ഇംഗ്ലീഷിൽ Rest In Peace.

സമാധാനത്തിൽ കല്ലറയ്ക്കകത്തെ ഉറക്കമാണ് ലാറ്റിൻ ഭാഷയിൽനിന്നു വന്ന RIP (Requiescat in pace) കൊണ്ട് ഉദ്ദേശിക്കുന്നത്. ക്രിസ്തുവിൽ ചേർന്നുറങ്ങുന്നു എന്നാണ് RIP എന്നതുകൊണ്ട് അവർ വിശ്വസിക്കുന്നത്. 

നമുക്ക് പൊതുവെ കല്ലറയില്ല, 

വിഭൂതിയായി പഞ്ചഭൂതങ്ങളിൽ ലയിച്ചു ചേരൽ ആണ്  ഹിന്ദുക്കളുടെ രീതി. 

നമ്മുടെ വിശ്വാസപ്രകാരം മോക്ഷമാണ് ഉത്തമം, അല്ലെങ്കിൽ ആത്മാവിന്റെ ശാന്തി.

അത് കൊണ്ട്, ഹിന്ദു വിശ്വാസിയാണ്  ഇഹലോകവാസം വെടിഞ്ഞ ആളെങ്കിൽ ഒന്നുകിൽ  ആദരാഞ്ജലികൾ, അല്ലെങ്കിൽ പ്രണാമം, അതുമല്ലെങ്കിൽ ഓം നമശ്ശിവായ എന്ന്  എഴുതാനും പറയാനും ശീലിക്കൂ. അർത്ഥമറിയാതെ അന്യഭാഷകളിലെ വാചകം കടംകൊള്ളുന്നത് ഒഴിവാക്കാമല്ലൊ!.

( ജെ. കെ അംബിക)

***

അലക്സാണ്ടർ മഹാനായിരുന്നു!

ലോകം പിടിച്ചടക്കാൻ നടന്ന അലക്‌സാണ്ടർ എന്ന ഏകാധിപതി യോട് ഡയോജനിസ് എന്ന ഗുരുനാഥൻ ചോദിക്കുന്നു; 

"എന്തിനാണ് ഇത്രയധികം ആക്രമണം നടത്തുന്നത്?"  

"ലോകം പിടിച്ചടക്കാൻ !" -എന്ന് ഉത്തരം. "ലോകം   എന്തിന്   പിടിച്ചടക്കണം ?"

" അതൊരു സന്തോഷം.!"

" ഇപ്പോള്‍ സന്തോഷമില്ലേ?"

 ബലം പ്രയോഗിച്ച് സന്തോഷം ഉണ്ടാക്കാനാവില്ല. അത് സ്വയം ഉണ്ടാകുന്നതാണ്. മനുഷ്യന്റെ പ്രകൃത്യാലുള്ള ഭാവം സന്തോഷമാണ്. ആ സന്തോഷം നിലനിര്‍ത്തി കൊണ്ടുപോവുക. മനസ്സിന് എന്നും സമാധാനമുണ്ടാകും. അതുതന്നെ സംതൃപ്തി. 

പിന്നെ വര്‍ത്തമാന കാലത്തിൽ ജീവിക്കുക. 

അലക്‌സാണ്ടർ ചക്രവർത്തി അവസാനകാലത്ത്  തൻ്റെ  പരിചാരകരോട് പറഞ്ഞു; 

എൻ്റെ മരണശേഷം നിങ്ങൾ എന്റെ ഭൂത ഉടൽ ശവപ്പെട്ടിക്കുള്ളിൽ വെക്കുമ്പോൾ,  ഇരുകൈകളും ശവപ്പെട്ടിയുടെ പുറത്തേക്ക് നീണ്ടു കിടക്കണം. ഞാന്‍ ഇവിടെ നിന്ന്  എന്താണ് കൊണ്ടുപോകുന്നത് എന്ന് എൻ്റെ പ്രജകൾ അറിയട്ടെ! 

നമ്മളും  ഒന്നും കൊണ്ടു പോകില്ല എന്ന സത്യം മനസ്സിലാക്കി ജീവിക്കുക.

ശുഭം!

സുഭാഷിതം പോലൊരു കഥ

സുഭാഷിതം പോലൊരു കഥ!

ഒരു കുഞ്ഞ് കഥ പറഞ്ഞു തരട്ടെ...

നമ്മുടെ ഉള്ളിലെ സങ്കടങ്ങളും

ആകുലതകളും മാറ്റാൻ

പോകുന്ന ഒരു കഥ!

 

ഒരു മനോഹരമായ പൂന്തോട്ടം.

അവിടെ ഒരേ സമയം

രണ്ട് വ്യത്യസ്ത ജീവനുകൾ

തങ്ങളുടെ സമയത്തിനായി

കാത്തിരിക്കുന്നുണ്ടായിരുന്നു

ഒന്ന്, ഒരു കൊമ്പിൽ

തുങ്ങിക്കിടക്കുന്ന

ചിത്രശലഭത്തിന്റെ കൂട് Cocoon

രണ്ടാമത്തേത്, ആരും

കാണാതെ മണ്ണിനടിയിൽ

കിടക്കുന്ന ഒരു ചെറിയ

വിത്ത്

പുറമെ നിന്ന് നോക്കുമ്പോൾ

രണ്ടുപേരിലും യാതൊരു

മാറ്റവുമില്ലായിരുന്നു.ഒന്ന്

നിശ്ചലമായി തുങ്ങിക്കിടക്കുന്നു,

മറ്റൊന്ന് ഇരുട്ടിൽ

മറഞ്ഞുകിടക്കുന്നു.

..

ദിവസങ്ങൾ കഴിഞ്ഞപ്പോൾ ആ

പൂന്തോട്ടത്തിൽ വലിയൊരു

മാറ്റമുണ്ടായി.കൂട് പൊട്ടിച്ച്,

വർണ്ണശബളമായ ചിറകുകളോടെ

ഒരു ചിത്രശലഭം പുറത്തേക്ക് വന്നു!

..

അത് ആകാശത്തേക്ക്

പറന്നുയർന്നപ്പോൾ

കണ്ടുനിന്നവരെല്ലാം

അതിന്റെ ഭംഗി കണ്ട്

അതിശയിച്ചു, കൈയടിച്ചു.

എന്നാൽ ആ സമയത്തും

ആ ചെറിയ വിത്ത്

മണ്ണിനടിയിലെ ഇരുട്ടിൽ

തന്നെയായിരുന്നു.

ആരും അതിന്റെ

സാന്നിധ്യം അറിഞ്ഞതേയില്ല.

ചിത്രശലഭത്തിന്റെ

ആ വലിയ വിജയം

കണ്ടപ്പോൾ വിത്തിന്

വലിയ നിരാശ തോന്നി.

ഞാൻ തോറ്റുപോയി,

എന്റെ കാത്തിരിപ്പ്

വെറുതെയായി

എന്ന് അത് വിചാരിച്ചു.

പക്ഷേ, പ്രകൃതിയുടെ

നിയമം മറ്റൊന്നായിരുന്നു.

ആ വിത്ത് ഒരു വലിയ

സത്യം മനസ്സിലാക്കാൻ

വൈകിപ്പോയിരുന്നു.

കുറച്ചുകൂടി നാളുകൾ

കഴിഞ്ഞപ്പോൾ, ആ മണ്ണിൽ

നിന്ന് ഒരു ചെറിയ മുള

തലയുയർത്തി. അത് പതുക്കെ

സൂര്യപ്രകാശത്തിലേക്ക് വളർന്നു.

കാലങ്ങൾ കടന്നുപോയപ്പോൾ

ആ ചെറിയ വിത്ത്,

ആകാശത്തേക്ക് പടർന്നു

പന്തലിച്ച ഒരു വലിയ

തണൽമരമായി മാറി!

ആ ചിത്രശലഭം ഏതാനും

ദിവസത്തെ ഭംഗി മാത്രം നൽകി

ഇല്ലാതായിക്കഴിഞ്ഞിരുന്നു.

എന്നാൽ ഈ മരം

നൂറ്റാണ്ടുകളോളം

തലമുറകൾക്ക് തണലായി

അവിടെത്തന്നെ നിന്നു.

നമ്മുടെ ജീവിതത്തിലും

പലപ്പോഴും സംഭവിക്കുന്നത്

ഇതുതന്നെയാണ്...

കൂടെയുള്ളവരുടെ വിജയം

പെട്ടെന്നാണെന്ന് കണ്ട് നിങ്ങൾ

ഒരിക്കലും സ്വയം ചെറുതായി

കാണുകയോ നിരാശപ്പെടുകയോ

ചെയ്യരുത്.

ഈ ലോകത്ത്

ഓരോരുത്തരുടെയും

വളർച്ചയും വിജയവും

വ്യത്യസ്തമായ സമയങ്ങളിലാണ്

സംഭവിക്കുന്നത്.

മറ്റൊരാളുടെ വേഗതയല്ല

നിങ്ങളുടെ അളവുകോൽ

അതുകൊണ്ട് മറ്റുള്ളവരുടെ

വേഗത കണ്ട് സ്വയം

കുറച്ചുകാണരുത്. ചില

യാത്രകൾ പതുക്കെയാണെങ്കിലും,

അവ ചെന്നെത്തുന്നത്

ചരിത്രങ്ങൾ കുറിക്കുന്ന വലിയ

വിജയങ്ങളിലേക്കായിരിക്കും

സ്വന്തം സമയത്തിനായി

ക്ഷമയോടെ പരിശ്രമിച്ച്

കൊണ്ടിരിക്കുന്ന നിങ്ങളുടെ

മനോഹരമായ ആ

തണൽമരക്കാലത്തിനായി

ഹൃദയം നിറഞ്ഞ ആശംസകൾ!

***

(കടപ്പാട് )