അഷ്ടാംഗയോഗങ്ങൾ

“പ്രാണായാമം പ്രത്യാഹാരം
നിത്യാനിത്യ വിവേക വിചാരം
ജാപ്യസമേത സമാധിവിധാനം
കൂർമ്മവധാനം മഹദവധാനം.”

ഭജഗോവിന്ദത്തിൽനിന്നുള്ളതാണ് മേൽ ഉദ്ദരിച്ചിട്ടുള്ള ശ്ലോകം. തുടക്കത്തിൽ കാണുന്ന പ്രാണായാമം, പ്രത്യാഹാരം എന്നീ  രണ്ടു പദങ്ങളെക്കുറിച്ചുള്ളതാണ് ഈ പോസ്റ്റ്. അഷ്ടാംഗയോഗങ്ങളിൽപെട്ടവയാണ് ഇവ രണ്ടും.

യമം, നിയമം, ആസനം, പ്രാണായാമം, പ്രത്യാഹാരം, ധ്യാനം ധാരണ, സമാധി എന്നീ എട്ട് അംഗങ്ങൾ ചേർന്നതാണ് അഷ്ടാംഗ യോഗങ്ങൾ. നിത്യജീവിതത്തിൽ കടപിടിക്കേണ്ട സംഗതികൾ  നമ്മുടെ മുൻ തലമുറ എത്ര നന്നായി (ജീവിത ദിനചര്യകൾ ) അറിയാമായിരുന്നു  എന്നുള്ളത് നമുക്ക് മനസ്സിലാകുന്നത് ഇതുപോലുള്ള പുരാണ ശ്ലോകങ്ങളിൽ നിന്നാണ്.

പ്രാണായാമം: ഇന്ന് ലോകം മുഴുവൻ ആരോഗ്യം നിലനിർത്താൻ ശുപാർശ ചെയ്യുന്ന ഒരു യോഗാസനമാണ് പ്രാണായാമം. ഇതിൽ ജാതിമത രാഷ്ട്രീയ വ്യത്യാസമില്ലെന്നു മാത്രമല്ല എല്ലാ നവീന ചികിത്സാ സമ്പ്രദായത്തിലും സ്വീകാര്യമായിട്ടുള്ളതും കൂടിയാണ്. ശുദ്ധവായു ധാരാളമായി കിട്ടുന്ന സ്ഥലത്ത് കിഴക്കോ വടക്കൊ നോക്കി ചമ്പ്രം പടഞ്ഞിരുന്നുകൊണ്ട് ഒരു നാസാദ്വാരത്തിലൂടെ വായു ഉൾക്കോണ്ട് 64 മാത്രനേരം ശ്വാസകോശങ്ങളിൽ നിർത്തിയിട്ട് 32 മാത്രകൊണ്ട് അതേ നസാദ്വാരത്തിൽക്കൂടി വായു പുറത്തു വിടുന്നു. ഇതു ഒരു തവണ പത്തു പ്രാവശ്യമെങ്കിലും ആവർത്തിക്കണം.

പ്രത്യാഹാരം: മനസ്സിനെ പ്രത്യാഹരിക്കുക. അതായത് ലൗകീക വിഷയങ്ങളിൽ നിന്ന്  മനസ്സിനെ പിന്തിരിപ്പിക്കുക.

ജ്ഞാനപ്പാന

ശ്രീകൃഷ്ണജയന്തി പ്രമാണിച്ച് ശ്രീകൃഷ്ണന്റെ പരമ ഭക്തനായ പൂന്താനം നമ്പൂതിരിയുടെ “ജ്ഞാനപ്പാന” യിൽ നിന്നും ഏതാനും ചില വരികൾ:-

കൃഷ്ണ!   കൃഷ്ണാ! മുകുന്ദാ ജനാർദ്ദനാ

കൃഷ്ണ! ഗോവിന്ദ നാരായണാ ഹരേ!

അച്യുതാനന്ദ ഗോവിന്ദ മാധവാ!

സച്ചിതാനന്ദ നരായണാ ഹരേ!

ഗുരുനാഥൻ തുണ ചെയ്ക സന്തതം

തിരുനാമങ്ങൾ നാവിന്മേലെപ്പൊഴും

പിരിയാതെയിരിക്കണം നമ്മുടെ

നരജന്മം സപലമാക്കീടുവാൻ.

ഇന്നലെയെന്നോളമെന്തെന്നറിഞ്ഞീലാ-

യിനി നാളെയുമെന്തെന്നറിഞ്ഞീലാ

ഇന്നിക്കണ്ട തടിക്കു വിനാശവു-

മിന്ന നേരമെന്നേതുമറിഞ്ഞീലാ.

കണ്ടുകണ്ടങ്ങിരിക്കും ജനങ്ങളെ

കണ്ടില്ലെന്നു വരുത്തുന്നതും ഭവാൻ,

രണ്ടു നാലു ദിനം കൊണ്ടൊരുത്തനെ

തണ്ടിലേറ്റി നടത്തുന്നതും ഭവാൻ.

മാളികമുകളിലേറിയ മന്നന്റെ

തോളിൽ മാറാപ്പു കേറ്റുന്നതും ഭവാൻ !

*****************************

സ്ഥാനമാനങ്ങൾ ചിന്തിച്ചു ചിന്തിച്ചു

നാണം കെട്ടു നടക്കുന്നിതു ചിലർ!

മദമത്സരം ചിന്തിച്ചു ചിന്തിച്ചു

മതികെട്ടു നടക്കുന്നിതു ചിലർ!

************************

അർഥമെത്ര വളരെയുണ്ടായാലും

തൃപ്തിയാകാ മനസ്സിനൊരു കാലം,

പത്തുകിട്ടിയാൽ നൂറുമതിയെന്നും

ശതമാകിൽ സഹസ്രം മതിയെന്നും

ആയിരം പണം കയ്യിലുണ്ടാകുമ്പോൾ

ആയുതമാകിലാശ്ചര്യമെന്നതും,

ആശയായുള്ള പാശമതിങ്കേന്നു

വേർവിടാതെ കരേറുന്നു മേൽക്കുമേൽ.

**************************

വിദ്യകൊണ്ടറിയേണ്ടതറിയാതെ

വിദ്വാനെന്നു നടിക്കുന്നിതു ചിലർ.

കുങ്കുമത്തിന്റെ ഗന്ധമറിയാതെ

കുങ്കുമം ചുമക്കും പോലെ ഗർദ്ദഭം¹.

*********************(1.കഴുത)

കൂടിയല്ല പിറക്കുന്ന നേരത്ത്

കൂടിയല്ല മരിക്കുന്ന നേരത്ത്

മദ്ധ്യേയിങ്ങനെ കാണുന്ന നേരത്ത്

മത്സരിക്കുന്നതെന്തിനു നാം വൃഥാ!

***************************

ഉണ്ണികൃഷ്ണൻ മനസ്സിൽക്കളിക്കുമ്പോൾ

ഉണ്ണികൾ മറ്റു വേണമോ മക്കളായ്?

****************************

പിഴയുണ്ടെങ്കിലും പിഴകേടെന്നാകിലും

തിരുവുള്ളമരുൾക ഭഗവാനേ!

വായസീവിദ്യ

പരിചയമില്ലാത്ത ആളായിരുന്നു ആ വന്നത്.

“നിങ്ങളാരാ?”

“ഞാനൊരു വിദ്വാനാണ്.”

അപ്പോ ആ ഫോൺ വിളിച്ചത്?

“ഞാൻ തന്നെ.”

”എന്താ പേർ?” ഞാൻ ചോദിച്ചു.

“പുണ്ടരീകാക്ഷൻ…”

നമ്പൂതിരിയാണല്ലേ? ഞാൻ കൂട്ടിച്ചേർത്തു.

എവിടുന്നാ…?

കണ്ണൂരിന്നാ…

എന്താ കാര്യം?

നിങ്ങൾ മൃഗങ്ങളുടേയും പക്ഷികളുടേയുമൊക്കെ ഭാഷ പഠിക്കാൻ താല്പര്യപ്പെടുന്നുവെന്ന് അറിഞ്ഞു. എനിക്ക് വായസീവിദ്യ നന്നായറിയാം. നിങ്ങൾക്കിഷ്ടമാണെങ്കിൽ ഞാൻ പഠിപ്പിക്കാം.

മനസ്സിലായില്ല! അതെ കാക വിദ്യ…കാക്കയുടെ സംസാര ഭാഷ, അതാണ് വായസീ വിദ്യയെന്നു ഞാൻ പറഞ്ഞത്.

“ഉവ്വോ…? എന്നാൽ ശരി. വരൂ. ഉടനെതന്നെ ആരംഭിച്ചോളൂ.”

ക കക കകക്ക കഗക കഹക ഹക…ഗഗ….ഗഗക്കऽ…

വിദ്വാൻ ദക്ഷിണയും വാങ്ങി യാത്ര പറഞ്ഞു. 

ഉടനെ തന്നെ ഒന്നു പരീക്ഷിച്ചു കളയാം. മച്ചിനു മുകളിൽ പോയി. കാക്കകൾ എവിടെയെങ്കിലുമുണ്ടൊ ?

വളരെ പാത്തും പതുങ്ങിയും വാതായനങ്ങളുടെ മറവിൽ സ്ഥലം പിടിച്ചു.പതിവായി വരാരുള്ള കാക്കസ്ഥാനങ്ങളിൽ കണ്ണിൽ എണ്ണയൊഴിച്ച് കാത്തിരുന്നു. നേരം പരപരാ പത്തുമണിയായി. താ…ണ്ടെ ഒരു പറ്റം കാകന്മാർ വന്നു. ബൈടെക് ആരംഭിച്ചു.

കാകഭാഷയിൽ

“നമസ്തെജി…!” അവസാനം വന്നിരുന്ന ആ തടിയൻ കാക്കയോടായി മറ്റു കാക്കകൾ അഭിസംഭോദന ചെയ്തു.

“ജി എന്നോ 2ജി എന്നൊ മറ്റൊ ശബ്ദിച്ചു പോകരുത്. കോടതി അലക്ഷ്യത്തിന് ശിക്ഷ കിട്ടും.”

“സാ…ർ” അങ്ങിനെ വരട്ടെ!

“സാർ ഇന്നത്തെ ഈ സ്പെഷൽ മീറ്റിങിന്റെ ആവശ്യം എന്താണെന്ന് മനസ്സിലായില്ല.”

ഗഹ…ക…ഗ…ഹക്ക കക…ഹ… ലീഡറുടെ സംസാരം മനസ്സിലാക്കാൻ കുറച്ചു പ്രയാസമായി. ഞാൻ മൻസ്സിലാക്കിയത് കൽക്കരിക്കും കാക്കകൾക്കും എന്തോ ഒരു പ്രശ്നമുണ്ട് എന്നാണ്.  ഒരു പക്ഷെ ഇവന്മാരൊക്കെ നമ്മുടെ രാഷ്ട്രീയക്കാരുടെ ദല്ലാളുകളാണോ?  നമ്മുടെ കൽക്കരി കുമ്പകോണം കാക്കക്കും നന്നായി അറിയാം എന്നു തോന്നുന്നു.

സംശയനിവൃത്തി വരുത്താമോ എന്നാലോചിക്കുന്നതിനിടയിൽ ഒരു കാക്ക പറയുന്നു അതാ അവിടെ ഒരു  ചാരൻ  നിൽപ്പുണ്ട്. നമ്മളുടെ സംഭാഷണം ചോർത്താൻ വന്നിരിക്കുകയാ. ഇത്രയും പറഞ്ഞപ്പോഴേക്കും താഴെനിന്നും വാഹനത്തിന്റെ ശബ്ദം. സമയം പോയതറിഞ്ഞില്ല. പത്തുമണിക്കുള്ള ആഫീസിൽ പന്ത്രണ്ടു മണിക്കെങ്കിലും ചെല്ലണ്ടേ? എന്റെ ബന്ധപ്പാടിൽ ജനൽ കതക് തലക്കിടിച്ചു. ശബ്ദം കേൾക്കേണ്ട താമസം കാക്കകൾ ബഹളം വെച്ച് പറന്നു പോയി.

പോകുമ്പോൾ ശകാരവർഷം. ഒന്നിനു പുറകെ ഒന്നായിട്ട്. എന്റെ ഭഗവാനെ…! ഇത്രയും മോശം വാക്കുകൾ കാക്കക്കെവിടുന്നു കിട്ടി…? അസ്സൽ മലയാളം…! കാകഭാഷയിൽ തിരിച്ചടിക്കാൻ പറ്റിയ വാക്കുകൾ എനിക്ക് വശമില്ലാതെ പോയല്ലോ എന്ന് സങ്കടപ്പെട്ടു.

യന്ത്ര മണി (Temple bell)

 

തമിഴ് നാട്ടിലുള്ള മിക്ക അമ്പലങ്ങളിലും പൂജാ സമയത്ത് ചിത്രത്തിൽ കാണുന്നതുപോലുള്ള യന്ത്ര മണിയാണ് അടിക്കാറുള്ളത്. ഈ യന്ത്രത്തിൽ പഞ്ചവാദ്യങ്ങളിലെന്ന പോലെ  നാലഞ്ച് ശബ്ദങ്ങളും താളത്തിൽ അടിക്കപ്പെടും. പൂജക്ക് വൈദ്യുത ദീപം പോര, വിളക്ക് തന്നെ കൊളുത്തണം എന്ന പഴയ ഉദ്ബോധനം ഇപ്പോഴും തുടരുന്നൂണ്ടല്ലോ എന്ന് സമാശ്വസിക്കാം.

സിംഹഗർജ്ജനം

സംസ് കൃതത്തിൽ ഉള്ളതു പോലെ മലയാളത്തിലും പല ന്യായങ്ങൾ നമ്മൾ നിത്യവും ഉപയോഗിക്കാറുണ്ട്. അവയെല്ലാം ന്യായങ്ങൾ എന്ന ഒരു തരം തിരിവ് നടത്താറില്ലെന്നു മാത്രം. മുന്‍പിലുള്ള  പോസ്റ്റിലും ചില ന്യായങ്ങൾ പ്രതിപാദിച്ചിട്ടുണ്ട്.

സിംഹ ഗര്‍ജ്ജനം അതിഭയങ്കരമാണ്. സര്‍വ്വ  ലോകരേയും ഞെട്ടിപ്പിക്കാന്‍ തക്കതാണ് സിഹത്തിന്റെ അലറൽ. മനുഷ്യരും ചിലപ്പോള്‍ ഈ നാദം അനുകരിക്കാൻ നിർബന്ധിതരാകാറുണ്ട്. കോപമോ പരാക്രമമോ പ്രദര്‍ശിപ്പിക്കുന്ന സന്ദര്‍ഭങ്ങളി ലായിരിക്കുമെന്നു മാത്രം. ‍ അദ്ധ്യാത്മരാമായണത്തില്‍ ഇതുപയോഗിച്ചിരിക്കുന്ന പ്രസക്ത ഭാഗമാണു താഴെ ഉദ്ദരിച്ചിട്ടുള്ളത്.


“മംഗലദേവതാവല്ലഭാജ്ഞാവശാ- 
ലംഗദന്‍ രാവണന്‍ തന്നോടൂ ചൊല്ലിനാന്‍: 
‘ഒന്നുകില്‍ സീതയെ കൊണ്ടുവന്നെന്നുടെ 
മുന്നിലാമ്മാറൂവച്ചീടുക വൈകാതെ. 
യുദ്ധത്തിനാശൂപുറപ്പെടുകല്ലായ്കി- 
ലത്തല്‍ പൂണ്ടുള്ളിലടച്ചങ്ങിരിക്കിലും 
രാക്ഷസസേനയും ലങ്കാനഗരവും 
രാക്ഷസരാജനാം നിന്നോടു കൂടവേ 
സംഹരിച്ചീടുവാന്‍ ബാണമെയ്തെന്നുള്ള 
സിംഹനാദം കേട്ടതില്ലയൊ രാവണ! 
ജ്യാനാത ഘോഷവും കേട്ടതില്ലെ ഭവാന്‍ 
നാണം നിനക്കേതുമില്ലയോ മാനസേ?” 

രാമായണത്തിൽത്തന്നെ മറ്റൊരു സന്ദർഭത്തിൽ "സമ്മദാ സിംഹനാദം ചെയ്തു മാരുതി" എന്നുള്ളതും  ഈ  ന്യായം അടിസ്ഥനമാക്കിയിട്ടുള്ളതാണ്.

ക്ഷേത്രക്കവര്‍ച്ചകൾ തടയണം

കേരളത്തിൽ വന്‍ക്ഷേത്രക്കവര്‍ച്ചകൾ കൂടുന്നത് വിശ്വാസികള്‍ക്കു മാത്രമല്ല, സമൂഹത്തിനാകെ ആശങ്കയുണ്ടാക്കുന്നു. പത്തനംതിട്ട ജില്ലയിലെ കല്ലൂപ്പാറ ഭഗവതിക്ഷേത്രത്തിലും ആലപ്പുഴ ജില്ലയിലെ മാവേലിക്കര ശ്രീകൃഷ്ണസ്വാമിക്ഷേത്രത്തിലും ഈയിടെ, ഒരേദിവസമാണ് കവര്‍ച്ചയുണ്ടായത്.

കല്ലൂപ്പാറ ക്ഷേത്രത്തിലെ അന്തേവാസി മോഷണത്തിനിടെ കൊല്ലപ്പെടുകയും ചെയ്തു. ചെറുതും വലുതുമായ മോഷണങ്ങൾ‍ മറ്റു ചില ക്ഷേത്രങ്ങളിലും അടുത്ത കാലത്തുണ്ടായി. ഇത്തരം കവര്‍ച്ചക്കാര്‍ എന്തിനും മടിക്കുകയില്ലെന്നാണ് കല്ലൂപ്പാറ സംഭവം വ്യക്തമാക്കുന്നത്. ക്ഷേത്രക്കവര്‍ച്ചകള്‍ കൂടുകയും അവയിൽ‍ പലതിനും തുമ്പുണ്ടാകാതിരിക്കുകയും ചെയ്യുന്ന സ്ഥിതിവിശേഷത്തെ ഗൗരവമായിത്തന്നെ കാണണം.

ക്ഷേത്രങ്ങളില്‍ നിന്ന് വിഗ്രഹങ്ങളും മറ്റ് അമൂല്യ വസ്തുക്കളും കവരുന്ന സംഘങ്ങൾ‍ ആസൂത്രിതമായിത്തന്നെയാണ് പ്രവര്‍ത്തിക്കുന്നത്. ഇത്തരം വസ്തുക്കള്‍ ആഗോളതലത്തിൽ‍ വിപണനം നടത്തുന്ന ഗൂഢസംഘങ്ങളുള്ളതായും റിപ്പോര്‍ട്ടുണ്ടായിരുന്നു. പുരാവസ്തുക്കള്‍ക്ക് പ്രിയം വര്‍ധിച്ചതോടെ ക്ഷേത്രങ്ങൾ‍ ഇത്തരക്കാരുടെ ശ്രദ്ധാകേന്ദ്രങ്ങളായി. കേരളത്തിലെ ക്ഷേത്രങ്ങളില്‍ മിക്കവയിലും അമൂല്യവസ്തുക്കളുണ്ട്. സ്വര്‍ണത്താഴികക്കുടങ്ങളും വിഗ്രഹങ്ങളും മറ്റും അവയിൽ‍ ഉള്‍പ്പെടുന്നു.

പല ക്ഷേത്രങ്ങളിലും കാവല്‍ക്കാരില്ല. ഇതും കവര്‍ച്ചക്കാരെ സംബന്ധിച്ചിടത്തോളം…

കൂടുതൽ വിവരങ്ങൾക്ക് മാതൃഭൂമി മുഖപ്രസംഗം ഇവിടെ ഞെക്കുക.

The Crowning Glory of Payyannur

		Payyannur Subramanya Swamy Temple VIEW SLIDE SHOW DOWNLOAD ALL

This great temple is jewel in the crown of Payyannur, Kannur, Kerala. A vast compound wall is the first attraction. A beautiful and large temple pond in its pristine glory follows then. The pond has plenty of fish of a foot and more long in size willing to rub your feet if entered in the water hoping to get some puffed rice feed. Surrounding areas are clean and green with space to walk and enjoy the breeze emanating from the divine grace of Lord Murugan.

Within the compound wall are the administrative offices. Another compound wall called "Naalambalam" is adorned by the hanging lamps all around a specialty of this temple. It would be a visual treat when lighted fully for the devotees. Normally it will be on festival season. The entrance of the inner wall is another divine work og architecture. The Sri kovil ( Sanctum Sanctorum) is in circular shape. The traditional music from conch, maddalam , idakka etc and the shine of traditional lamps keep the devotees concentration on the Subramanya Swamy. The majestic idol glowing and radiating the divine grace will bless the devotees praying him. The idol is carved out of special black stone. Lord is not in the form of Balamurugan  but in the form of a Warrior after winning the demons.

Samaaraadhana pooja is a festival season here. This is during the Malayalam month Vrichikam 1st to 16th ( November second half ). It is believed that those who pray here during the araadhana period will be cured of all ills.Skandashashti also is an important event here. Crowd will be unbearable during festival days.

ഭഗവത്ഗീതയും തിരുക്കുരലും

തമിഴും സംസ്കൃതവും ചേർന്നാണല്ലോ മലയാളഭാഷ ഉരുവാകിയത്. പാലും പഞ്ചസാരയും പോലെ നന്നായി ചേർച്ചയുള്ള ഈ രണ്ട് ഭാഷകളിലുമുള്ള അമൂല്യ സമ്പത്താണ്  തിരുക്കുരൽ എന്ന തമിഴ് കാവ്യവും സംസ്കൃതത്തിലുള്ള ഭഗവത് ഗീതയും. ആമുഖം ആവ്ശ്യമില്ലാത്ത ഈ രണ്ട് മഹാകാവ്യങ്ങളിലെ ആശയങ്ങൾക്ക്  ഒട്ടേറെ സാമ്യങ്ങളുള്ളതായി  പല പണ്ഡിതന്മാരും നിരീക്ഷിച്ചിട്ടുണ്ട്. അതു പോലുള്ള ചില സമാന വരികൾ  ചൂണ്ടിക്കാണിക്കാനാണ് ഈ പോസ്റ്റിലൂടെ ശ്രമിക്കുന്നത്.

തിരുക്കുരലിൽ നിന്നും ഒരു ശ്ലോകം:

“ഒരുമൈയുൾ ആമൈപോൽ അയ്ന്ത് അടക്കൽ ആറ്റ്രീൻ

എഴുമൈയും ഏമാപ് ഉടൈത്ത്”

സമാനമായ ശ്ലോകം ഗീതയിൽ നിന്നും:

“യതാ സംഹരതേ ചായം കൂർമ്മോങ്കാനിവ സർവശഃ

ഇന്ദ്രിയാണിന്ദ്രിയാർഥേഭ്യസ്തസ്യപ്രജ്നാ പ്രതിഷ്ഠിതാ.”

മനുഷ്യനു ഇന്ദ്രിയങ്ങളെ നിയന്ത്രിക്കാൻ സാധിച്ചാൽ പല പ്രശ്നങ്ങളും ഒഴിവക്കാം എന്നു സാരം. ആമ തലയും കാലും ഉള്ളിലേക്ക് വലിക്കുന്ന്തു പോലെ മനുഷ്യൻ പഞ്ചേന്ദ്രിയങ്ങളെ നിയന്ത്രിക്കണം.

തിരുക്കുരലിൽ നിന്നും വേറൊരു ശ്ലോകം:

“അവാ എൻപ എല്ലാ ഉയിര്ക്കും ഞാൻന്റ്രും

തവാ അപ്പിറപ്പ് ഈനും വിത്ത്”

സമാനമായ ശ്ലോകം ഗീതയിൽ നിന്നും:

“പ്രജഹാതി യദാകാമാൻ സർവാൻ പാർഥ മനോഗതാൻ

ആത്മന്യേവാന്മനാതുഷ്ടഃ സ്തിതപ്രജ്നസ്തതോച്യതേ.”

മനസ്ഥിരതയുള്ള ഒരാളുടെ ലക്ഷണത്തെ എങ്ങിനെ അറിയാമെന്ന അർജുനന്റെ ചോദ്യത്തിനു ഉത്തരമായിട്ട് ഭഗവാൻ വിവരിക്കുന്ന ഒരു ശ്ലോകമാണിത്. ആഗ്രഹങ്ങളെ നിയന്ത്രിച്ച് ഉള്ളതുകൊണ്ട് സംത്രുപ്തിയടയുക എന്ന് സാരം.

മഹാലക്ഷ്മി അഷ്ടകം (Mahalakshmi Ashtakam)

ദേവേന്ദ്രൻ മഹാലക്ഷ്മിയെ സ്തുതിക്കുന്നുഃ

നമസ്തേസ്തു മഹാമായേ ശ്രീപീഠേ സുരപൂജിതെ

ശംഖ് ചക്ര ഗധാ ഹസ്തേ മഹാലക്ഷ്മി നമോസ്തുതേ.

നമസ്തെ ഗരുഡാരൂഢേ  കോലാസുരഭയങ്കരി

സർവപാപ ഹരേ ദേവി മഹാലക്ഷ്മി നമോസ്തുതേ.

സർവഗ്നെ സർവവരദേ സർവദുഷ്ട ഭയങ്കരി

സർവദുഃഖ ഹരേദേവി മഹാലക്ഷ്മി നമോസ്തുതേ.

സിദ്ധിബുദ്ധിപ്രതേദേവി ഭുക്തിമുക്തി പ്രദായിനി

മന്ത്രമൂർത്തെ സദാ ദേവി മഹാലക്ഷ്മി നമോസ്തുതേ.

ആദ്യന്തരഹിതെദേവി ആദിശക്തിമഹേശ്വരി

യോഗാജെ യോഗസംഭൂതെ മഹാലക്ഷ്മി നമോസ്തുതേ.

സ്ഥൂലസൂക്ഷ്മ മഹാ രുദ്രേ മഹാശക്തി മഹോദരെ

മഹാപാപേ ഹരേദേവി മഹാലക്ഷ്മി നമോസ്തുതേ.

പദ്മാസനസ്ഥിതേദേവി പരബ്രഹ്മസ്വരൂപിണി

പരമേശി ജഗന്മാതർ മഹാലക്ഷ്മി നമോസ്തുതേ.

ശ്വേതാംബരധരേദേവി നാനാലങ്കാരഭൂഷിതേ

ജഗത്  സ്ഥിതേ  ജഗന്മാതർ മഹാലക്ഷ്മി നമോസ്തുതേ.

ഫലശ്രുതിഃ

മഹാലക്ഷ്മ്യാഷ്ടകം സ്തോത്രം

യാഃ പഠേദ് ഭക്തിമാൻ നര

സർവ സിദ്ധിമവപ്നോതി സർവതാ.

ഏകകാലം പഠേം നിത്യം മഹാപാപ  വിനാശനം

ദ്വികാലയാഃപഠേം നിത്യം ധനധാന്യസാമാൻ വിതഃ

ത്രികാലം യഃ പഠേം നിത്യം മഹാശത്രു വിനാശനം

മഹാലക്ഷ്മിർ ഭാവേൻ നിത്യം പ്രസന്ന വരദ ശുഭഃ

***

വസ്തു നികുതി പരിഷ്ക്കരണ അന്തിമ വിജ്ഞാപനം

അഴീക്കോട് ഗ്രാമ പഞ്ചായത്ത്  വസ്തു നികുതി പരിഷ്ക്കരണ അന്തിമ വിജ്ഞാപനം
സര്‍ക്കാര്‍ ഉത്തരവ് 20/11 തസ്വഭവ തീയ്യതി 14-01-2011,തിരുവനന്തപുരം  അനുസരിച്ച് അഴീക്കോട് ഗ്രാമ പഞ്ചായത്തിലെ  വസ്തു നികുതി പുതുക്കുന്നതിന് 28-09-2011 ലെ 238/2011 നമ്പര്‍ പ്രകാരം  പഞ്ചായത്ത്  തിരുമാനിച്ചിരുന്നു. വികസനം, റോഡുകളുടെ സാമീപ്യം, പ്രധാനപ്പെട്ട സ്ഥാപനങ്ങളുടെ സാന്നിദ്ധ്യം എന്നിവ കണക്കിലെടുത്ത് പഞ്ചായത്തിനെ പ്രഥമ മേഖല, ദ്വിതീയ മേഖല, തൃതീയ മേഖല എന്നിങ്ങനെ മൂന്ന് മേഖലകളായി തിരിച്ച്  തറ വിസ്തീര്‍ണ്ണത്തിന്‍റെയും, കെട്ടിടത്തിന്‍റെ ഉപയോഗത്തിന്‍റെയും അടിസ്ഥാനത്തില്‍  കെട്ടിടങ്ങള്‍ക്ക് വസ്തു നികുതി  ചുമത്താന്‍ തീരുമാനിച്ചത് പ്രകാരം ലഭിച്ച ആക്ഷേപങ്ങള്‍ പരിഗണിച്ച് കേരള പഞ്ചായത്ത് രാജ് വസ്തു നികുതിയും സേവന ഉപനികുതിയും സര്‍ചാര്‍ജും ചട്ടം 4 (4) അനുസരിച്ച് 30-11-2011 തീയ്യതിയിലെ 303/11 നമ്പര്‍ തീരുമാന പ്രകാരം 1-4-2011 മുതല്‍ 5 വര്‍ഷത്തേക്ക് താഴെ പറയുന്ന രീതിയില്‍ വസ്തു നികുതി  നിരക്കുകള്‍ അന്തിമമായി നിശ്ചയിച്ച് വിജ്ഞാപനം പുറപ്പെടുവിക്കുന്നു. 

For more details click on this link http://azhikode.entegramam.gov.in/index.php