മുദാകരാത്ത മോധകം, സദാ വിമുക്തി സാധകം,
കലാധരാവതംശകം, വിലാസിലോക രക്ഷകം,
അനായകൈക നായകം വിനാശിതേഭ ദൈത്യകം,
നതാശുഭാശുനാശകം, നമാമിതം വിനായകം. 1
നതേതരാതിഭീകരം നവോധിതാര്ക ഭാസ്വരം,
നമത്സുരാരി നിര്ജ്ജരം നതാധികാപദുര്ദ്ധരം.
സുരേശ്വരം നിധീശ്വരം ഗജേശ്വരം ഗണേശ്വരം,
മഹേശ്വരം തമാശ്രയേ പരാത്പരം നിരന്തരം. 2
സമസ്ത ലോക സങ്കരം, നിരസ്ത ദൈത്യ കുഞ്ചരം,
ദരേത രോദരം വരം വരേഭവക്ത്രമക്ഷരം.
കൃപാകരം, ക്ഷമാകരം, സുധാകരം, യശസ്കരം,
മനസ്കരം നമസ്കൃതാം നമസ്കരോമി ഭാസ്കരം. 3
അകിഞ്ചനാര്തിമാര്ജനം ചിരന്തനോക്തി ഭാജനം
പുരാരി പൂര്വ നന്ദനം സുരാരി ഗര്വചര്വണം.
പ്രപഞ്ചനാശ ഭീഷണം ധനഞ്ചയാദി ഭൂഷണം,
കപോലദാന വാരണം ഭജേ പുരാണവാരണം. 4
നിതന്തകാന്ത ദന്തകാന്തി മന്തകാന്തകാത്മജം,
അചിന്തരൂപമന്ത ഹീന മന്തരായ കൃന്തനം.
ഹൃദന്തരേ നിരന്തരം വസന്തമേവ യോഗിനാം ,
തമേകദന്ത മേവ തം വിചിന്തയാമി സന്തതം. 5
ഫലശ്രുതി
മഹാ ഗണേശ പഞ്ചരത്ന മാദരേണ യോ`ന്വഹം,
പ്രജല്പതി പ്രഭാതകേ ഹൃദിസ്മരന് ഗണേശ്വരം.
അരോഗതാമദോഷതാം സുസാഹിതീം സുപുത്രതാം,
സമാഹിതായു രഷ്ടഭൂതി മഭ്യുപൈതി സോ`ചിരാതം.
Random Link for hearing from YouTube: http://youtu.be/eaFIb48dPcA
Technorati Tags: Ganesha pancharathnam prayer
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ