kunjan Nambiar Puraskaaram

Kalamandalam Janardhanan has bagged this year's (2011) Kunjan Nambiar Pursakaram instituted by the Amabalappuzha Kunjan Nambiar Memorial for best Thullal artist. Janardhanan, who hails from Kurichithanam, Kottayam, had been in this field for the last 55 years.
After his seventh class, he joined Kalamandalam and learnt Thullal. He also bagged the central government fellowship for research in Thullal. The award carries a cash prize of Rs 5001, plaque and a certificate. let us congratulate him!

ദ്വയാര്‍ഥം

കുഞ്ചന്‍ നമ്പ്യാരുടെ ഫലിതങ്ങളെപറ്റി ഒരു മുഖവുര ആവശ്യമില്ല. തുള്ളല്‍ എന്ന കലരൂപത്തിന്റെ  പിതാവ്‌  മാത്രമല്ല   മലയാള കവിതയിലെ ഫലിത പരിഹാസങ്ങളുടെ പിതാവ് കൂടിയാണദ്ദേഹം. ആ ഫലിത സാമ്രാട്ടിന്റെ തുള്ളല്‍ക്കലാരൂപം അരങ്ങേറാത്ത അമ്പലങ്ങള്‍ കേരളത്തിലുണ്ടോ എന്ന് സംശയിക്കുന്നു. എല്ലാ വര്‍ഷവും ഉത്സവ കാലത്ത്  അഴിക്കോടുള്ള അക്ലിയത്ത് അമ്പലം ഉള്‍പ്പെടെ പല അമ്പലങ്ങളിലും തുള്ളല്‍ അരങ്ങേറാറുണ്ട്. ആ മഹാനെ ഓര്‍മ്മിക്കാനെന്നോണം അദ്ദേഹം രചിച്ച  ചില  ശ്ലോകങ്ങള്‍‌ നമുക്ക്  വായിക്കാം.

 

തിരുവനന്തപുരം കാര്‍ത്തിക തിരുനാള്‍‌ മഹാരാജാവുമായുള്ള സംഭാഷണവേളയില്‍  അമ്പലപ്പുഴ - ചെമ്പക നാട്ടിലെ ശാപ്പാടിന്റെ കാര്യം തിരക്കിയപ്പോള്‍‌  നമ്പ്യാര്‍‌  വിവരിച്ചതാണ്  ഈ ശ്ലോകം.

“പത്രം വിസ്തൃതമത്ര തുമ്പ മലര്‍ തോറ്റോടീടിനോരന്നവും

പുത്തന്‍നെയ് കനിയെപ്പഴുത്ത പഴവും കാളിപ്പഴം കാളനും

പത്തഞ്ഞൂറു കറിക്കുദാശ്യമിയലും നാരങ്ങയും മാങ്ങയും

നിത്യം ചെമ്പക നാട്ടിലഷ്ടി തയിര്‍മോര്‍ തട്ടതെ കിട്ടും സുഖം.”

 

ദ്വയാര്‍ഥമുള്ള  ഈ ശ്ലോകം ആദ്യമായി വായിക്കുന്നവര്‍ക്ക്  രണ്ട് അര്‍ഥവും മനസ്സിലായെന്നു വരില്ല. പദങ്ങള്‍‌ പിരിക്കുന്നതില്‍ മാറ്റം വരുത്തിയാല്‍ അര്‍ഥം മാറുന്ന വിധത്തിലാണ്  ഈ  ശ്ലോകം എഴുതിയിട്ടുള്ളത്. ചെമ്പകശ്ശേരിയില്‍‌ സദ്യ വളരെ കേമം തന്നെയെന്ന്  തെറ്റായി ധരിപ്പിക്കുകയാണ്  നമ്പ്യാര്‍ ചെയ്തത്.

 

Technorati Tags: Ottam Thullal