ശാക്തേയ-വീരാരാധന

  ശാക്തേയം വീരാരാധന

ആദിപരാശക്തി എന്ന് ശാക്തേയ ഗ്രന്ഥങ്ങളിൽ പറയുന്ന ശാക്തേയം വീരാരാധന കൂടിയാണ്. ക്ഷത്രീയ സ്വഭാവമുള്ള ഉപാസനാപദ്ധതി കൂടിയാണ്. പഴശ്ശിരാജ യുദ്ധത്തിന് പുറപ്പെടും മുൻപ് മൃദങ്കശൈലേശ്വരി ക്ഷേത്രത്തിൽ ഗുരുസി നടത്തി ദേവിയെ ഉപാസിച്ചിരുന്നതായി ചരിത്രം പറയുന്നു. 

ശൈവ, വൈഷ്ണവ മതങ്ങളെ പോലെ പ്രധാന ഹൈന്ദവവിഭാഗങ്ങളിൽപ്പെട്ട

ഒന്നാണ് വാമചാരം അഥവാ ശാക്തേയം ഭഗവതിയെ ഉപാസിക്കുന്ന രാജസപൂജ

ആണിതെന്ന് സങ്കല്പം. മോക്ഷമാർഗ്ഗം മാത്രമായ മറ്റ് ആചാര പദ്ധതികളിലും നിന്ന്

വ്യത്യസ്തമായി ഭോഗമോക്ഷപ്രദമായ ഒരു ഉത്തമ തന്ത്രപദ്ധതി കൂടിയാണ്

ശാക്തേയം. ഇതിൽ ഉപാസിക്കപ്പെടുന്ന ദേവി ഉപാസകന്റെ പ്രാണശക്തി തന്നെയാണ് എന്ന്  വിശ്വസിക്കപ്പെടുന്നു. അതിനാൽ ഇത്  അദ്വൈതപൂജയായി

കണക്കാക്കപ്പെടുന്നു. മഹാമായയും അനാദിയുമായ പരാശക്തി അഥവാ

ആദിപരാശക്തി എന്ന ലോകമാതാവാണ് പ്രപഞ്ചത്തിന്റെ സൃഷ്ടി, സ്ഥിതി, സംഹാരം എന്നിവയ്ക്കെല്ലാം മൂലകാരണമെന്ന് ശാക്തേയർ വിശ്വസിക്കുന്നു.

ആദിശക്തിയുടെ ഈ മൂന്നു ത്രിഗുണങ്ങൾ അഥവാ കൃത്യമുഖങ്ങളാണു് :

ബ്രഹ്മാവ് (രജോഗുണം),

മഹാവിഷ്ണു (സത്വഗുണം),

പരമശിവൻ (തമോഗുണം)

എന്നീ ത്രിമൂർത്തികൾ, മറ്റുള്ള എല്ലാ ദേവതാസങ്കൽപ്പങ്ങളും അവതാരങ്ങളും

ജീവിവൈവിദ്ധ്യങ്ങളും പരാശക്തി എന്ന മൂലത്തിൽ നിന്നാണുണ്ടായത്.

ദേവി സാക്ഷാൽ ശിവശക്തി ആണ് .

നിർഗുണ പരബ്രഹ്മമായ ശിവന്റെ പാതി (അർദ്ധനാരീശ്വരൻ) ആയി ശിവനോടൊപ്പം സർവ്വവും സൃഷ്ടിച്ച ലളിത ത്രിപുരസുന്ദരിയാണ് ആദിപരാശക്തി എന്ന് ശാക്തേയ ഗ്രന്ഥങ്ങളിൽ പറയുന്നു.

ശാക്തേയം വീരാരാധന

ശാക്തയപൂജയിൽ പെട്ടു കഴിഞ്ഞാൽ ജീവൻ പോവാൻ പ്രയാസപ്പെടും എന്ന ഒരു ധാരണ പണ്ടു മുതലേ മലബാർ ഭാഗത്ത് നിലനിന്നിരുന്നു. ഇന്ന് ശാക്തേയം പ്രചരിക്കുന്നതോടൊപ്പം തന്നെ ഈ അബദ്ധധാരണയും പ്രചരിക്കുന്നുണ്ട് . ഇന്നും ഒരാൾ ഇവിടെ വന്നു ഈ കാര്യം സംസാരിച്ചു പോയി. 98 വയസ്സായി മരണശയ്യയിൽ കിടക്കുന്ന ആൾ മരിക്കുന്നില്ലത്രെ. ഈ ആൾക്ക് ശാക്തേയ ബന്ധം ഇല്ലെന്നു മാത്രമല്ല, ക്ഷേത്രദർശനം നടത്തുന്ന സ്വഭാവം പോലും ഇല്ലായിരുന്നത്രെ. അവകാശികൾ എവിടെയൊക്കെയോ പോയി അന്വേഷിച്ചപ്പോൾ കണ്ടെത്തിയതാണ് ഈ കാര്യം. ഇത്തരം അബദ്ധ ധാരണകൾ പ്രചരിപ്പിക്കുവാനും ഇന്ന് ആൾക്കാരുണ്ട്.

ഇതിനെ കുറിച്ചു ഞാൻ എൻ്റെ ശാക്തേയതത്വം, ശക്തിപൂജാരഹസ്യം എന്നീ പുസ്തകങ്ങളിൽ പരാമർശിച്ചിട്ടുണ്ട്. തികച്ചും അടിസ്ഥാനരഹിതമായ ഒരു വിശ്വാസം മാത്രമാണിത്. എന്നാൽ ശാക്തേയ പൂജയുമായി വളരെയേറെ ബന്ധപ്പെട്ടു ജീവിച്ചവർ പലരും കിടന്നു കഷ്ടപ്പെടാതെ, പെട്ടെന്നു മരിച്ച ഒരു പാട് അനുഭവങ്ങൾ ഉണ്ട്. ശാക്തേയത്തിനു വേണ്ടി വാദിക്കുന്നവർ സമൂഹത്തിൽ പ്രചരിച്ചിരിക്കുന്ന ഇത്തരം അബദ്ധ ധാരണകൾ തിരുത്തി കൊടുക്കുകയും വേണം എന്നതാണ് എൻ്റെ അപേക്ഷ.

ഒരു ശാക്തേയൻ്റെ പ്രാർത്ഥന ഇതു മാത്രമാണ് -

 " അനായാസേന മരണം 

വിനാ ദൈന്യേന ജീവിതം"

***