ത്രയീ-വേദ്യം ഹൃദ്യം ത്രി-പുര-ഹരമാദ്യം ത്രി-നയനം
ജടാ-ഭാരോദാരം ചലദുരഗ-ഹാരം മൃഗ ധരം.
മഹാ-ദേവം ദേവം മയി സദയ-ഭാവം പശുപതിം
ചിദാലമ്ബം സാമ്ബം ശിവമതി-വിഡമ്ബം ഹൃദി ഭജേ (3)
സഹസ്രം വര്തന്തേ ജഗതി വിബുധാഃ ക്ഷുദ്ര-ഫലദാ
ന മന്യേ സ്വപ്നേ വാ തദനുസരണം തത്കൃത-ഫലം.
ഹരി-ബ്രഹ്മാദീനാമപി നികട-ഭാജാമ്-അസുലഭം
പുരാണേ മന്ത്രേ വാ സ്തുതി-നടന-ഹാസ്യേഷ്വചതുരഃ.
കഥം രാജ്ഞാം പ്രീതിര്ഭവതി മയി കോऽഹം പശുപതേ
പശും മാം സര്വജ്ഞ പ്രഥിത-കൃപയാ പാലയ വിഭോ (5)
ഘടോ വാ മൃത്പിണ്ഡോऽപ്യണുരപി ച ധൂമോऽഗ്നിരചലഃ
പടോ വാ തന്തുര്വാ പരിഹരതി കിം ഘോര-ശമനം.
വൃഥാ കണ്ഠ-ക്ഷോഭം വഹസി തരസാ തര്ക-വചസാ
പദാമ്ഭോജം ശമ്ഭോര്ഭജ പരമ-സൌഖ്യം വ്രജ സുധീഃ (6)
മനസ്തേ പാദാബ്ജേ നിവസതു വചഃ സ്തോത്ര-ഫണിതൌ
കരൌ ചാഭ്യര്ചായാം ശ്രുതിരപി കഥാകര്ണന-വിധൌ.തവ ധ്യാനേ ബുദ്ധിര്നയന-യുഗലം മൂര്തി-വിഭവേ
പര-ഗ്രന്ഥാന്‍ കൈര്വാ പരമശിവ ജാനേ പരമതഃ (7)
യഥാ ബുദ്ധിശ്ശുക്തൌ രജതമിതി കാചാശ്മനി മണിഃ
ജലേ പൈഷ്ടേ ക്ഷീരം ഭവതി മൃഗ-തൃഷ്ണാസു സലിലം.
തഥാ ദേവ-ഭ്രാന്ത്യാ ഭജതി ഭവദന്യം ജഡ ജനോ
മഹാ-ദേവേശം ത്വാം മനസി ച ന മത്വാ പശുപതേ (8)
ഗഭീരേ കാസാരേ വിശതി വിജനേ ഘോര-വിപിനേ
വിശാലേ ശൈലേ ച ഭ്രമതി കുസുമാര്ഥം ജഡ-മതിഃ .
സമര്പ്യൈകം ചേതസ്സരസിജം ഉമാ-നാഥ ഭവതേ
സുഖേനാവസ്ഥാതും ജന ഇഹ ന ജാനാതി കിമഹോ (9)
നരത്വം ദേവത്വം നഗ-വന-മൃഗത്വം മശകതാ
പശുത്വം കീടത്വം ഭവതു വിഹഗത്വാദി-ജനനം.
സദാ ത്വത്പാദാബ്ജ-സ്മരണ-പരമാനന്ദ-ലഹരീ
വിഹാരാസക്തം ചേദ് ഹൃദയമിഹ കിം തേന വപുഷാ (10)
(ആദ്യത്തെ രണ്ട് ശ്ലോകങ്ങള്‍ ഇതിനു മുന്‍പ് പോസ്റ്റ് ചെയ്തിട്ടുണ്ട്.)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ