എന്തൊരു അന്തരം !
"ഉൽപ്പലസ്യാരവിന്ദാസ്യ
മത്സ്യസ്യ കുമുദസ്യ ച
ഏകയോനിപ്രസൂനാം
തേഷാം ഗന്ധം പൃഥക് പൃഥക്"
ഒരേകുളത്തിൽ വിരിഞ്ഞുനിൽക്കുന്ന താമരയുടെയും ആമ്പലിന്റെയും, വെള്ളത്തിൽ തന്നെ വളരുന്ന മത്സ്യത്തിന്റെയും ഗന്ധം വ്യത്യസ്തമായിരിക്കും. മത്സ്യത്തിന്റെ ഗന്ധമല്ല താമരയുടേത്. പക്ഷേ അവ വളരുന്നതോ ഒരേജലത്തിലും!
ഇങ്ങനെതന്നെയാണ് മനുഷ്യബുദ്ധിയും മനുഷ്യഗുണങ്ങളും.ഓരോരുത്തരുടെയും ബുദ്ധിയും ചീന്താശേഷിയും വിവിധങ്ങളായിരിക്കും. ഒരേ കുടുംബത്തിൽ, ഒരേ മാതാപിതാക്കൾക്ക് ജനിച്ചവരെങ്കിൽ കൂടിയും അവരുടെ സ്വഭാവത്തിലും ബുദ്ധിയിലും ഗുണത്തിലും വ്യത്യാസം ദർശിക്കാനാകും. മൂത്തവന് താത്പര്യമുള്ള വിഷയത്തിലാകില്ല ഇളയവന് കമ്പം ഇളയവനെപ്പോലെയാകില്ല മൂത്തവനും. വളർന്നു വരുന്ന സാഹചര്യവും പശ്ചാത്തലവും എല്ലാം ഒന്നെങ്കിലും അവർ വ്യത്യസ്തരായിരിക്കും. അവരുടെ ശൈലികളും കഴിവുകളും വിഭിന്നവുമായിരിക്കും.
***
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ